მთავარი ქალაქებიკრაკოვი რეკომენდირებული აპარტამენტი კრაკოვში

რეკომენდირებული აპარტამენტი კრაკოვში

by Kakha Mchedlidze
0 კომენტარი

კრაკოვში მრავალი ვიზიტის შემდეგ ისეთი აპარტამენტი აღმოვაჩინე, რომელსაც შემიძლია რეკომენდაცია თამამად გავუწიო.

აპარტამენტები (ბინები), რომლებსაც ადრე ვსტუმრობდი არ მიჩენდა მათი ხელმეორედ გამოყენების სურვილს, თუმცა უმრავლესობა ნორმალურ შეფასებას იმსახურებდა. უკანასკნელი კი სხვაგვარი აღმოჩნდა, ვნახოთ როგორია ჩემს მიერ რეკომენდირებული აპარტამენტი კრაკოვში.

რა თქმა უნდა აპარტამენტების (ბინების) საძიებლად Airbnb გამოვიყენე. თუ როგორ უნდა ისარგებლოთ ამ სისტემით აღწერილი მაქვს სპეციალურ პოსტებში.

კრაკოვი საკმაოდ ტურისტული ქალაქია, წელიწადში 12 მილიონამდე ტურისტი სტუმრობს და შესაბამისად ძნელი საპოვნია ბინები ხელმისაწვდომ ფასად და თანაც საუკეთესო მდგომარეობაში. განსაკუთრებით ჭირს ქალაქის ცენტრალურ, უძველეს ნაწილში, ყველაზე ტურისტულ რაიონში. კარგი ფოტოებისა და შეფასებების მქონე აპარტამენტებიც კი რეალურად სხვა მდგომარეობაში, გაცვეთილის შთაბეჭდილებას ტოვებს, ან ძვირია. ამიტომ, ამჯერად ყურადღება შევაჩერე ცენტრალური კვარტლის მომიჯნავე რაიონზე, რომელიც ავტოსადგურის, რკინიგზის ვაგზლისა და უდიდესი სავაჭრო ცენტრის მახლობლად მდებარეობს.

აქედან ავტოსადგურამდე 4-5 წუთის მანძილია. ხოლო ქალაქის სხვა ადგილებში გადაადგილებისთვის შეგიძლიათ ტრამვაის გამოყენება. მოკლედ, ამ მშვენიერ რაიონში უამრავი აპარტამენტია, მე კი Airbnb-ზე მაღალი შეფასებების მქონე და შედარებით საშუალო ფასის ბინა ვიპოვე.

Apartament D&D Silver Kraków-ის მფლობელს, Richard Dariusz-ს მინიჭებული აქვს Airbnb-ს “სუპეჰოსტის” სტატუსი, რაც მასპინძლის სერვისისა და ბინის მაღალი ხარისხის გარანტიაა. ამჟამად აპარტამენტის ფასი 36 ევროდან იწყება. მაგრამ თუ სისტემაში ჩვენი ამ გვერდიდან დარეგისტრირდებით 44 ევროს ფასდაკლებასაც მიიღებთ.

 

რიჩარდის აპარტამენტში მოსახვედრად საჭიროა ამ სუფთა და მშვენიერი სადარბაზოთი ისარგებლოთ. 2 ოთახიანი, 35 კვ/მ ბინა მდებარეობს ახლახანს “გარემონტებული” ისტორიული სახლის მეხუთე სართულზე, სხვენში.

მიუხედავად იმისა, რომ სხვენზეა განთავსებული ოთახები საკმაოდ მაღალჭერიანია და როგორც საძინებელს ასევე საცხოვრებელ ოთახს გააჩნია სახურავზე გამავალი ფანჯრები. პირველ ოთახში დამონტაჟებულია მძლავრი კონდენციონერი და კარგად აღჭურვილი სამზარეულო (მაცივარი, სარეცხის მანქანა, ჭურჭლის სარეცხი მანქანა, ულტრატალღოვანი ღუმელი, ინდუქციური ქურა…).

მართალია აპარტამენტი 4 კაცზეა გათვლილი, მაგრამ ჩემი დაკვირვებით იდეალურია 2 კაცისთვის, სამი ადამიანიც თავისუფლად და კომფორტულად მოთავსდება.

თუ სასტუმროების მოყვარული ხართ, ბიუჯეტური ვარიანტის მოძიებაში დაგეხმარებათ არა “ბუკინგკომი”, ან სხვა რაიმე მსგავსი საიტი, არამედ მათში საუკეთესო ვარიანტების მაძიებელი hotelscombined.com.

hotelscombined

თუ სასტუმრო გეძვირათ ამავე საიტზე შეგიძლიათ შეარჩიოთ 10-15 ევროიანი ჰოსტელის დამოუკიდებელი ნომერიც, არჩევანი დიდია.

ინფორმაცია იმის შესახებ თუ როგორ იმოგზაუროთ კრაკოვში და საერთოდ ევროპაში იაფად, როგორ გამოიყენოთ აპარტამენტების დაჯავშნის სისტემა და როგორ გადაადგილედეთ ქალაქებს შორის, იხილეთ “მსგავს თემებში”.

0 კომენტარი
0

სხვა მასალები