მთავარი ქალაქებიმცხეთა განახლებული მცხეთა

განახლებული მცხეთა

by მე მოგზაური
1 კომენტარი

მცხეთის განახლება 2008 წელს დაიწყო და უკვე 2 წლის შემდეგ თვალშისაცემი გახდა ცვლილებები. ეს ფოტოები სწორედ 2011 წლის მარტში და ოქტომბერში გადავიღე.

ჯვრის მონასტერი

რეაბილიტაციის პროექტმა ძველებური იერი დაუბრუნა უსახური მიშენებებით, გარაჟებითა და უწესრიგო არქიტექტურით დაფარული ქალაქის სახეს.

მცხეთის ქუჩა

ქუჩები ქვაფენილით დაიფარა, ხოლო ღობეები ქვის, აგურისა და ხის მასალით ხელახლა აშენდა.

სახლი მცხეთაში

რეაბილიტაცია ჩაუტარდა, ანუ შეიცვალა ფასადების დიზაინი, გადახურვა და ხის აივნები გაუკეთდა 100-ზე მეტ სახლს, ხოლო 20-მდე სახლი მთლიანად ხელახლა აშენდა.

რეაბიტირებული სახლი

ამგვარად განახლებული “არსუკიძის” ქუჩა სვეტიცხოვლისკენ მიდის.

არსუკიძის ქუჩა

სვეტიცხოველი დიდებულია.

სვეტიცხოველი

მოუწესრიგებელი პარკინგი და ბაზრობა, რომელიც სვეტიცხოვლის წინ იყო გამართული, აღარსად ჩანს.

მცხეთა

მხოლოდ ახლა შევამჩნიე, რომ სვეტიცხოვლის კარიბჭე პიზის კოშკივით გადახრილია.

ჯვარი

მცხეთის ცენტრი და ჯვრის მონასტერი.

სვეტიცხოვლის ორნამენტები

სვეტივხოვლის ორნამენტები.

ქორწილი

მექორწილეები და ტურისტები მცხეთას არასდროს აკლდა, მაგრამ ქალაქის განახლებამ სტუმართა რაოდენობა კიდევ უფრო გაზარდა.

გარაჟი-მაღაზია

შესაბამისად შეიცვალა ინფრასტრუქტურა, ძველი გარაჟები სუვენირების მაღაზიებად გადაკეთდა.

მცხეთის სუვენირები

ეზოები კი ღია კაფე-რესტორნებად.

ყავა და ლუდი მცხეთაში

ზოგმა ეზომ ისევ შეინარჩუნა თავისი ძველი დანიშნულება.

რკინის ჭიშკარი

ზოგი სახლი სასტუმროდ გადაკეთდა.

სასტუმრო მცხეთაში

ზოგიც ტავერნად.

ძველი ტავერნა

მცხეთის სახლებს ძალიან მოუხდა ხის აივნები.

აივნები

რეაბილიტაციამ ბევრ მცხეთელს ტურისტებისთვის ახალი სერვისის შეთავაზების საშუალება მისცა. ერთ-ერთმა მათგანმა ქუჩაში თაფლის ღვინით ვაჭრობა დაიწყო.

თაფლის ღვინო მცხეთაში

მაგრამ ბორჯომისა და ნაბეღლავის პლასტმასის ბოთლებში ჩამოსხმული ღვინო და ღობეში გაჩხერილი ჭურჭელი თუ პლასტმასის სადეგუსტაციო ჭიქები ბევრს არ იზიდავს.

მცხეთის სახინკლე

კაცი ვერაფერს დაუწუნებს მცხეთის სახელგანთქმულ სახინკლეებს.

სახინკლე

როგორც წესი ქართული რემონტი მაღალი ხარისხით ვერ დაიკვეხნის. მიუხედავად იმისა, რომ მცხეთის რეაბილიტაციის დასასრული არცერთი თარიღით არ იყო შემოსაზღვრული, მცირე დეფექტები მაინც შესამჩნევია.

ქვაფენილი

თუმცა “რემონტმა” ბევრ მცხეთელს მაინც მოუტანა სარგებელი.

ღობის მშენებლობა

ერთი შეხედვით ღობეს აშენებენ, მაგრამ მისმა მესაკუთრემ 7 თვის შემდეგ კომერციული ფართი მიიღო.

კომერციული ფართი მცხეთაში

2011 წლის მარტში რეაბილიტაციის პროცესი გრძელდებოდა.

რეაბილიტაციის პროცესი

შედეგი კი ასე გამოიყურებოდა 2011 წლის ოქტომბერში.

აღდგენილი ქუჩა მცხეთაში

რეკონსტრუქციამ მცხეთას ახალი, მაგრამ ძველი ლაზათი და იერი დაუბრუნა.

ფაიტონი მცხეთაში

  •  
  •  
  •  
  •  
  •  
  •  
  •  
1 კომენტარი
0

სხვა მასალები

1 კომენტარი

კომენტარები