მთავარი ქალაქებიბუდაპეშტი გემით გასეირნება დუნაიზე ბუდაპეშტში

გემით გასეირნება დუნაიზე ბუდაპეშტში

by მე მოგზაური
0 კომენტარი
გასეირნება დუნაიზე

ბუდაპეშტი ულამაზესია, მაგრამ კიდევ უფრო ულამაზესია ხედები მდინარე დუნაის შუაგულიდან. ბუდაპეშტში მდინარეზე გასეირნების სხვადასხვა საშუალებაა, გემ-რესტორნით დაწყებული და გემ-სასტუმროთი დამთავრებული, რაც არც თუ იაფი სიამოვნებაა.

თუ თქვენ ბიუჯეტური მოგზაური ბრძანდებით აუცილებლად დაგაინტერესებთ თითქმის უფასოდ, გემით გასეირნება დუნაიზე.

ბუდაპეშტის ტრანსპორტის 7 დღიანი ბილეთის შეძენის შემდეგ სატრანსპორტო კომპანიის საიტზე ბილეთის ინსტრუქციას გადავხედე და აღმოჩნდა, რომ მისი მეშვეობით შესაძლებელია მდინარის ტრანსპორტით გადაადგილება. ეს შესაძლებლობა ორიოდე კვირის წინ ბუდაპეშტში ყოფნისას გამოვიყენე და ძალიანაც ვისიამოვნე, შუაგულ დუნაიდან ბუდაპეშტის ულამაზესი ხედები იშლება.

გემით გასეირნება დუნაიზე ბუდაპეშტში დავიწყე ნავმისადგომიდან (გაჩერებიდან) Boráros tér. აქ იკვეთება სხვადასხვა ტიპის ტრანსპორტის მარშრუტები: ტრამვაი, ელექტრიჩკა, ავტობუსი… საწყლოსნო ტრანსპორტის გაჩერება-ნავმისადგომს ხიდის ქვეშ მდინარის პირას იოლად იპოვით.

გემით გასეირნება დუნაიზე ბუდაპეშტში - მე მოგზაური

ამ მოსაცდელში ჩამოჯდომის გარდა შესაძლებელია გაეცნოთ გემის განრიგს, მარშრუტის რუკას და სხვა ინფორმაციას.

გემით გასეირნება დუნაიზე ბუდაპეშტში - მე მოგზაური

როგორც მოსალოდნელი იყო 12 ნომერი მარშრუტის გემი გრაფიკის მიხედვით მოუახლოვდა ნავმისადგომს.

აღსანიშნავია, რომ გემის შემოსვლამდე ნავმისადგომზე არავინ დგას და ყველა ნაპირზე მოთმინებით ელოდება გემზე შესვლის ნებართვას.

ეს მიუხედავად იმისა, რომ ყველას აქვს სურვილი გემბანზე საუკეთესო ადგილები დაიკავოს.

გემით გასეირნება დუნაიზე ბუდაპეშტში - მე მოგზაური

თუ თქვენც გინდათ ასეთ რომანტიკულ ადგილზე ჩამოჯდეთ გირჩევთ, ერთი ან ორი გაჩერებით ადრე ადით გემზე, თუმცა უადგილოდ არც ჩემს შემთხვევაში დავრჩით. მაგრამ ეჭვი მაქვს ზაფხულის ტურისტულ სეზონთან ერთად გემბანის საუკეთესო ადგილებისთვის უფრო მეტი ძალისხმევა გახდება საჭირო.

გემით გასეირნება დუნაიზე ბუდაპეშტში - მე მოგზაური

რომანტიკას საღამოს დადგომა და დაისის სხივები კიდევ უფრო აფერადებს…

გემით გასეირნება დუნაიზე ბუდაპეშტში - მე მოგზაური

ამ ტიპის გემის უპირატესობა ის არის, რომ ტურისტულისგან განსხვავებით ის დუნაის ორივე ნაპირზე, სხვადასხვა ადგილზე ჩერდება და საშუალება გაქვთ ნებისმიერ გაჩერებაზე ახვიდეთ ან ჩამოხვიდეთ.

გემით გასეირნება დუნაიზე ბუდაპეშტში - მე მოგზაური

მიუხედავად იმისა, რომ მე-12 მარშრუტზე მცურავი გემები საზოგადოებრივი ტრანსპორტის ერთიანი სისტემის შემადგენელი ნაწილია მათზე მოწყობილია ბარი და ბუდაპეშტის ხედებით ტკბობასთან ერთად სასმელის წრუპვაც ნებადართულია.

გემით გასეირნება დუნაიზე ბუდაპეშტში - მე მოგზაური

მდინარეს აღმა მივუყვებით პარლამენტის შენობისკენ და გენიალური კონსტრუქციის ახალ თუ ძველ ხიდებთან ერთად თვალწინ იშლება ბუდაპეშტის ასევე გენიალური არქიტექტურა.

ხედებით ესთეტიკური სიამოვნების გარდა საღამოს დუნაის დინებით მოტანილი ნიავით მიღებული სიამოვნება იმდენად მიმზიდვლი და მათრობელა აღმოჩნდა, რომ მეორე საღამოსვე იგივე გავიმეორეთ და ამ გზით მიღებულმა დადებითმა ენერგიამ ეს ულამაზესი ქალქი კიდევ უფრო შეგვაყვარა.

გემით გასეირნება დუნაიზე ბუდაპეშტში - მე მოგზაური

რეკომენდაციები იმის შესახებ თუ როგორ უნდა იმოგზაუროთ ბუდაპეშტში და რა ნახოთ, იხილეთ მსგავს თემებში.

 

რეკომენდაციები:

  • დაბალფასიანი საცხოვრებელი შეგიძლიათ დაჯავშნით Airbnb-ზე. თუ ამ გვერდიდან დარეგისტრირდებით 41 ევროს ფასდაკლებას მიიღებთ.
  • თუ სასტუმროებს დაეძებთ, მაშინ ეწვიეთ სასტუმროების ფასების საძიებო და შესადარებელ სისტემას: hotelscombined.com
  • იაფი ავიაბილეთების საძიებელი საუკეთესო საშუალება: kiwi.com
  • დაგვიანებული, გადადებული ან გაუქმებული ავიარეისების კომპენსაცია: compensair.com
  • 159
  •  
  •  
  •  
  •  
  •  
  •  
0 კომენტარი
0

სხვა მასალები