მთავარი ქალაქებითბილისი “მეიდან ბაზარი”

“მეიდან ბაზარი”

by მე მოგზაური
0 კომენტარი
მეიდან ბაზარი

რამდენიმე წლის წინ თბილისის რეაბილიტაციის აქტიური ფაზის დროს, გორგასლის მოედნის ქვეშ, მიწისქვეშა გადასასვლელი გააკეთეს. არადა თბილისში მიწისქვეშა გადასასვლელით სარგებლობა იქაც კი არ არის მოდაში სადაც გადატვირთული მოძრაობაა. შესაბამისად გორგასლის მოედნის მიწისქვეშა უფუნქციოდ დარჩა და მალე ჩაიკეტა. ორი კვირის წინ აქედან ანტისანიტარიის საშინელი სუნი ამოდიოდა.

გვირაბი, მეიდან ბაზარი

ორი დღეა მიწისქვეშა გადასასველი “მეიდან ბაზრად” (კომპანიის აბრევიატურა ასეთია, წესით ეს ორი სიტყვა ერთად უნდა იყოს – მეიდანბაზარი) გამოცხადდა და იქ ძირითადად ტურისტული პროდუქციისთ ვაჭრობა დაიწყო.

ღვინის თაროები

მეიდანბაზარში ჩასვლისთანავე თვალში გეცემათ ღვინის სტენდების მრავალფეროვნება.

ჩურჩხელები

ჩურჩხელები 2-3 ლარად. აქვე შეიძლება ჭაჭის არყის დაგემოვნებაც.

ჭაჭა

ღვინის შეძენის მსურველებს კონსულტაციას უწევს აქაური პერსონალი.

კონსულტაცია

ღვინის გვერდით იყიდება ღვინის მისართმევად საჭირო ტრადიციული საშუალებები.

ყანწები

ყანწები და დოქები.

დოქები

გვირაბის სიღრმეში ტურიზმის ეროვნული ადმინისტრაციის საინფორმაციო სტენდიც არის, სადაც რუკებს და სხვა საინფორმაციო მასალებს უფასოდ არიგებენ.

მეიდან ბაზარი

აქვე უნდა შეიძლებოდეს ჩამოჯდომა და ღვინის, ჩურჩხელის ან ჭაჭის დაგემოვნება… ქართული ჩაიც არ აწყენდა ამ გარემოს, მაგრამ ვერსად ვიპოვე.

ვერცხლის ნაწარმი

გვირაბის სიღრმეში საიუველირო ნაწარმიცაა და სხვა ტურისტული სუვენირები.

სუვენირები

ფასებიც “ტურისტულია”, ანუ მაღალი, არარეალური.

20 ლარიანი ფინჯანი

ბუბა კიკაბიძეს მიმინოს ღიმილი რომ დაეპატენტებია ტურისტული პროდუქციის მწარმოებლებისგან მნიშვნელოვან შემოსავალს მიიღებდა 🙂

ბუბა - "მიმინო"

გვირაბის მეორე ბოლო, შარდენის ქუჩაზე ამოსასვლელი, უფრო საგამოფენო დარბაზსს წააგავს.

მეიდან ბაზარი, შარდენის ქუჩა

  •  
  •  
  •  
  •  
  •  
  •  
  •  
0 კომენტარი
0

სხვა მასალები

კომენტარები