საქართველოს ავიაციის სააგენტოს ინფორმაციით, საქართველოში რეგულარული ფრენების აღდგენის თარიღი 30 სექტემბრამდე გადაიდო. შეზღუდვა არ ვრცელდება მხოლოდ სამ ქვეყანასთან (გერმანია, საფრანგეთი, ლატვია) კონკრეტული ავიაკომპანიების ფრენებზე.
“გამომდინარე იქედან, რომ COVID-19 პანდემიის პირობებში ავიაციის სექტორისთვის ვითარება რთულად პროგნოზირებადია და გლობალურ დონეზე, პერიოდულად იცვლება გადაწყვეტილებები სასაზღვრო და სამგზავრო შეზღუდვებთან დაკავშირებით, მოქალაქეებს და მგზავრებს კვლავ მოვუწოდებთ, თავი შეიკავონ დაუდასტურებელ მიმართულებებზე/რეისებზე ბილეთების შეძენისაგან”, – აცხადებენ საქართველოს ავიაციის სააგენტოში.
უწყება ასევე განმარტავს, რომ სხვა ქვეყნებთან ფრენების აღდგენის გადაწყვეტილება ეპიდმდგომარეობაზე იქნება დამოკიდებული.
საქართველოში კორონავირუსის გამო რეგულარული ფრენები მარტის მერე შეწყვეტილია. ამ ეტაპის მონაცემებით საქართველოს რეგულარული ფრენები მხოლოდ გერმანიასთან, საფრანგეთსა და ლატვიასთან აქვს. სხვა ქვეყნებთან სრულდება მხოლოდ ჩარტერული რეისები, რომლებსაც იქიდან საქართველოს მოქალაქეები ჩამოჰყავს.
წყარო: https://www.radiotavisupleba.ge/a/30788215.html
რეკომენდაციები:
- კორონავირუსის გავრცელების გამო გაუქმებული ავიაბილეთების კომპენსაცია: compensair.com
- ეპიდემიის გამო დაწესებული შეზღუდვების პირობებში მოგზაურობის შესახებ დეტალური ინფორმაცია: მოგზაურთა ჯგუფი
- 10 ევროს ფასდაკლება თვითმფრინავების, მატარებლისა და ავტობუსების ბილეთებზე: Omio
- დაბალფასიანი საცხოვრებელი შეგიძლიათ დაჯავშნით Airbnb-ზე. თუ ამ გვერდიდან დარეგისტრირდებით 40 ევროს ფასდაკლებას მიიღებთ.
