მთავარი ქალაქებითბილისი ტრამვაი კონკა

ტრამვაი კონკა

by Kakha Mchedlidze
0 კომენტარი
ტრამვაი კონკა

დეკემბრის ბოლოს 108 წელი სრულდება მას შემდეგ, რაც თბილისში ელექტროტრამვაი ამოძრავდა. ახლა ეს მოძრაობა შეჩერებულია აგერ უკვე 2006 წლიდან და თბილისის ტრამვაის უკანასკნელი არტეფაქტი, ე.წ. კონკა ღია ცის ქვეშ, სამშენებლო პოლიგონზე, თითქმის უპატრონოდ დგას.

ეს ფოტო 2010 წლის 25 დეკემბერს გადავიღე ყოფილი ავჭალის დეპოს ტერიტორიაზე.  ტრამვაის ვაგონი ახლაც ამ ადგილზე დგას და თვითმხილველების გადმოცემით დღითი-დღე იძარცვება.

ტრამვაი კონკა - მე მოგზაური

ფოტოზე ასახულია ვაგონის ერთი ადგილიდან მეორეზე გადათრევის პროცესი. ტრამვაის გვერდით მოათავსეს რამდენიმე ტროლეიბუსიც და სივრცე შემოვლითი რკინიგზის მშენებლობისთვის საჭირო ბეტონის ქარხნისთვის გამოათავისუფლეს.

ტრამვაის ვაგონი “კონკა” წარმოადგენს ძველი საბჭოური ტრამვაის КТМ-2-ის მოდიფიკაციას. თუმცა არსებობს მოსაზრება, რომ ის არის უფრო ადრეული, დამოუკიდებელი საქართველოს დროინდელი, ღია ტიპის ბელგიური ვაგონის გასაბჭოებული ვერსია.

ტრამვაი კონკა - მე მოგზაური

ღია ტიპის ვაგონი ხაზზე ძირითადად საზეიმო დღეებში გამოდიოდა. მისი სალონი მოპირკეთებულია ხის მასალით. მისი ერთი მხარე თბილისურ ღია აივანს წააგავს, მეორე კი ასევე თბილისურ შემინულ და მოჩუქურთმებულ აივანს.

ტრამვაი კონკა - მე მოგზაური

სავარაუდოდ ამ ვაგონის წინამორბედი.

ტრამვაი კონკა - მე მოგზაური

“კონკა” არ გამოირჩეოდა კომფორტით, მაგრამ მისი გამოჩენა ყოველთვის იქცევდა ყურადღებას. ევროპის ძველ ქალქებში, მსგავსი ღია თუ ძველი ტრამვაის ვაგონი ერთ-ერთ მთავარ ტურისტულ ღირშესანიშნაობას წარმოადგენს და ასეთი ტრამვაით გასეირნება უფრო ძვირიც კი ღირს ვიდრე ჩვეულებრივი ტრამვაით.

ტრამვაი კონკა - მე მოგზაური

თბილისის ტრამვაის ისტორიას აღსანიშნავად ე.წ. კოლმეურნეობის მოედანზე სპეციალურად შექმნილი ვაგონი დგას. ასევე სპეციალურად დამზადებული ტრამვაის ვაგონი შევამჩნიე რამდენიმე ადგილას. მაშინ როდესაც დღემდე შემორჩენილი ავთენტური ტრამვაის ვაგონი “კონკა” ავჭალის დეპოს ტერიტორიაზე, სამშენებლო მასალების პოლიგონზე, უყურადღებობით ნადგურდება.

  • 16
  •  
  •  
  •  
  •  
  •  
  •  
0 კომენტარი
0

სხვა მასალები

კომენტარები