მთავარი ქალაქებითბილისი მეთხუთმეტე ტურისტული გამოფენა

მეთხუთმეტე ტურისტული გამოფენა

by მე მოგზაური
0 კომენტარი

საგამოფენო ცენტრ “ექსპო ჯორჯიაში” მე-15 საერთაშორისო ტურისტული გამოფენა “კავკასიის ტურისტული ბაზრობა” გაიხსნა.

"ექსპო ჯორჯია"

გამოფენის მეორე დღეს, მიუხედავად იმისა, რომ უქმე იყო, კავკასიის ტურისტულ ბაზრობაზე სიხალვათე შეინიშნებოდა.

თურქეთის სტენდი

თურქეთს ტრადიციულად ცენტრალური და თანაც დიდი სივრცე უკავია. მიუხედავად ამ ქვეყნის ეკონომიკის სიძლიერისა, დიდ მნიშვნელობას ანიჭებს ტურისტული პოტენციალის რეკლამირებას ისეთ მცირე ბაზარზე როგორიც საქართველოა.

ტურისტული გამოფენა

თავად საქართველო ძირითადად წარმოდგენილი იყო ხელნაკეთი ნივთების მწარმოებელი კომპანიებით. ისინი მომხმარებელს ტურისტულ სერვისზე მეტად ტურისტულ სუვენირებს სთავაზობენ.

ხალხური რეწვა

ფერადი კვერცხები.

ფერადი კვერცხები

კერამიკული პროდუქცია.

კერამიკა

არქეოლოგიურ გათხრებში აღმოჩენილი ნივთების ჩამოსხმული ასლები.

არქეოლოგიური ნივთები

მელხიორისგან დამზადებული ძვირადღირებული ნივთები. მაგალითად, არყის დოქი ჭიქებით 1500 აშშ დოლარი ღირს.

მელხიორის ხელნაკეთი ნივთები

სუვენირების გარდა, წარმოდგენილი იყო რამდენიმე ტურისტული პროდუქტიც, მათ შორის ჯომარდობა, რომელიც მწირი დამთვალიერებლის ინტერესს ნაკლებად იმსახურებდა.

ჯომარდობა

ვერც აზერბაიჯანის სტენდი დაიკვეხნის დამთვალიერებლის სიუხვით.

აზერბაიჯანის სტენდი

ტაილანდს კი საერთოდ მიუტოვებია საგამოფენო სტენდი.

ტაილანდის სტენდი

საქართველოს დაცული ტერიტორიების დეპარტამენტიც ანალოგიურად მოქცეულა.

დაცული ტერიტორიები

ხალხმრავლობა შეინიშნებოდა მონადირეთა სტენდთან და კურორტ საირმის კუთხესთან.

საირმე

საირმე მნახველებს საირმის სამი სხვადასხვა მინერალური წყლით უმასპინძლდება.

საირმის წყლები

მიუხედავად ფერისა სასიამოვნო დასალევი აღმოჩნდა 🙂 სტენდმა იმდენად დამაინტერესა, რომ აუცილებლად მოვინახულებ საირმეს.

ფლაიჯორჯია

“ფლაიჯორჯია” კი იაფი ავიაბილეთებით ცდილობს დამთვალიერებლის დაინტერესებას.

ჰუალინგის პროექტი

ეს კი კომპანია “ჰუალინგის” პროექტია, ჩვენში რომ “ჩინურ ქალაქად” შერაცხეს და გააშავეს. სტენდთან შევიტყე, რომ უკვე აუშენებიათ სასტუმრო, რომელსაც საპრეზიდენტო ნომერიც ჰქონია. ხოლო თავად ქალაქის მშენებლობა შეჩერებულია, არა ჩინელების ჩამოსახლების შიშით, არამედ აქაურების კომერციაში ჩართვის სურვილის დაუკმაყოფილებლობის გამო. სტენდთან მითხრეს ჩვენი უფროსი რამდენიმე დღეში ჩამოვა და ყველაფერს გაარკვევსო. ამ გაურკვევლობის მიუხედავად საცხოვრებელი ფართის შეძენას გამოფენაზე მისულ ქართველებს მაინც სთავაზობენ. სულ, ახალგაზრდული ოლიმპიური ფესტივალის ინფრასტრუქტურის მშენებლობაში 60 მილიარდი დოლარის ინვესტიციის განხორციელება იგეგმება.

საირმე

გამოფენა 12 აპრილს გაიხსნა და 14 აპრილამდე გასტანს. მასში ადგილობრივის გარდა მონაწილეობენ კომპანიები აზერბაიჯანიდან, სომხეთიდან, თურქეთიდან, ტაილანდიდან და არაბთა გაერთიანებული საემიროებიდან. 50-მდე საგამოფენო სტენდზე წარმოდგენილია 100-მდე ორგანიზაციის ტურისტული პროდუქტი.

  •  
  •  
  •  
  •  
  •  
  •  
  •  
0 კომენტარი
0

სხვა მასალები

კომენტარები