რეგულარულ საერთაშორისო ფრენებზე დაწესებული შეზღუდვა 1 თებერვლიდან მოიხსნება – განაცხადა ეკონომიკის მინისტრმა ნათია თურნავამ.
ამის შესახებ ეკონომიკის და მდგრადი განითარების მინისტრმა ნათია თურნავამ უწყებათაშორისი საკოორდინაციო საბჭოს დასრულების შემდეგ, მთავრობის ადმინისტრაციაში გამართულ ბრიფინგზე განაცხადა
მისი თქმით ფრენები სამედიცინო პროტოკოლის დაცვით აღდგება.
„1-ლი თებერვლიდან მივიჩნიეთ შესაძლებლად, რომ რეგულარულ ფრენებზე შეზღუდვა გავაუქმოთ, ანუ დავუშვათ რეგულარული ფრენები. ეს ნიშნავს იმას, რომ ყველა ავიაკომპანია, ვინც დღემდე მოქმედებს და მოქმედებდა საქართველოში, ან თუნდაც ახალი ავიაკომპანიები, ვინც სურვილს გამოთქვამენ, შეძლებეს რეგულარული ფრენების დაგეგმვას და შესრულებას გარკვეული სიხშირეებით და ეს შეზღუდვა აღარ იმოქმედებს“.
მინიტრმა არ გამორიცხა, რომ გაზაფხულზე საქართველო შეძლებს ისრაელიდან და ევროპის იმ ქვეყნებიდან ტურისტების მიღებას სადაც ამჟამად აქტიურად მიმდინარეობს ვაქცინაციის პროცესი.
საქართველომ რეგულარული საჰაერო მიმოსვლა 2020 წლის გაზაფხულზე შეაჩერა და მას შემდეგ, ქვეყანაში შეზღუდვები გარკვეული პერიოდებით ხანგრძლივდებოდა. 2020 წლის 17 დეკემბერს ითქვა, რომ ფრენების აღდგენა იგეგმებოდა 2021 წლის 31 იანვრიდან.
გამონაკლისების სახით, მთავრობის დადგენილებით, მხოლოდ რამდენიმე მიმართულებით არის შესაძლებელი რეგულარული ავიამიმოსვლა.
წყარო: https://www.radiotavisupleba.ge/a/31063211.html
რეკომენდაციები:
- კორონავირუსის გავრცელების გამო გაუქმებული ავიაბილეთების კომპენსაცია: compensair.com
- ეპიდემიის გამო დაწესებული შეზღუდვების პირობებში მოგზაურობის შესახებ დეტალური ინფორმაცია: მოგზაურთა ჯგუფი
- 5 ევროს ფასდაკლება თვითმფრინავების, მატარებლისა და ავტობუსების ბილეთებზე: Omio
- დაბალფასიანი საცხოვრებელი შეგიძლიათ დაჯავშნით Airbnb-ზე. თუ ამ გვერდიდან დარეგისტრირდებით 40 ევროს ფასდაკლებას მიიღებთ.
