1 ივლისიდან საბერძნეთი საზღვრებს ხსნის ევროკავშირის არაწევრი ზოგიერთი ქვეყნის მოქალაქეებისთვის, ამ ქვეყნების ჩამონათვალში არის საქართველოც.
1 ივლისიდან საბერძნეთის ყველა საერთაშორისო აეროპორტის კარი გაიხსნება ე.წ. მესამე ქვეყნის მოქალაქეებისთვის. ასევე, უცხოელი ტურისტებისთვის გაიხსნება საბერძნეთის საზღვაო პორტები.
საბერძნეთის მთავრობის წარმომადგენელთა განმარტებით უცხოელმა ტურისტმა რომელსაც გადაწყვეტილი აქვს საბერძნეთში გამგზავრება, წინასწარ ინტერნეტში უნდა შეავსოს სპეციალური ელექტრონული ფორმა – The Passenger Locator Form (PLF აპლიკაციის ფორმა – https://travel.gov.gr ), რომელიც ფურცელზე ამობეჭდილი თან უნდა იქონიოს საბერძნეთში შესვლისას. მასზე მითითებულია საკონტაქტო მონაცემები და სხვა პირადი ინფორმაცია.
საბერძნეთის აეროპორტებში უცხოელი ტურისტების შესვლისას ჩატარდება შერჩევითი ტესტირება, სავარაუდოდ ერტი რეისიდან რამდენიმე ადამიანს ამოარჩევენ. მათ ვისაც Covid-19 დაუდგინდებათ, მოწყობილი იქნება საკარანტინო სასტუმროები სადაც 14 დღიან კარანტინს გაივლიან.
მოცემული მომენტისთვის საბერძნეთში კორონავირუსის ახალი შემთხვევები იშვიათად ფიქსირდება. საერთო ჯამში ქვეყანაში კორონავირუსის 3 376 შემთხვევა აღირიცხაი, გარდაიცვალა 191 ადამიანი.
რომელი ქვეყნებისთვის გაიხსნება 1 ივლისიდან საბერძნეთი?
როგორც ცნობილია, ევროკავშირში (შენგენის ზონაში) შესაბამისად საბერძნეთში შესვლის უფლება 1 ივლისიდან ექნებათ ევროკავშირის 15 არაწევრი სახელმწიფოს მოქალაქეებს. ესენია:
- საქართველო
- ალჟირი
- ავსტრალია
- კანადა
- იაპონია
- ჩერნოგორია
- მაროკო
- ახალი ზელანდია
- რუანდა
- სერბეთი
- სამხრეთ კორეა
- ტაილანდი
- ტუნისი
- ურუგვაი
- ჩინეთი (განხილვის პროცესშია)
სია ყოველ 2 კვირაში ერთხელ განახლდება და მას სხვადასხვა ქვეყანა შეემატება ან გამოაკლდება მოცემული ქვეყნის შიგნით არსებული ეპიდემიოლოგიური სიტუაციის შესაბამისად.
რატომ არ იხსნება საქართველოს საზღვრები?
საქართველოს მისიის ხელმძღვანელმა ევროკავშირში, ნატალი საბანაძემ, იმის თაობაზე, თუ რა იწვევს ასეთ დიდ სიფრთხილეს, რის გამოც გადაიდო მიმოსვლის აღდგენა საქართველოსა და ევროკავშირს შორის, “რადიო თავისუფლებას” უთხრა, – ეს იმითაა გამოწვეული, რომ ეპიდემიოლოგიური სიტუაცია სხვადასხვა ქვეყანაში ძალიან სწრაფად იცვლებაო. მისი თქმით, ევროკავშირში ვითარება სტაბილურია, მაგრამ ყველგან ერთნაირი არ არის და, სამწუხაროდ, საქართველოს სამეზობლოში პროცესები საკმაოდ რთულად ვითარდება. „გადაწყვეტილების მიღება ძალიან რთულად მიდის ევროკავშირში. ძალიან გაუჭირდათ შენგენის შიგნით მიმოსვლის გახსნა, ამაზე შეთანხმდნენ და ახლა მიდის მსჯელობა, რომ მესამე ქვეყნებთან გაიხსნას მიმოსვლა“.
საბანაძე ამბობს, რომ სიაც და თარიღიც არის სარეკომენდაციო, საქართველო დაელოდება გადაწყვეტილებას და თვითონაც მიიღებს საპასუხო გადაწყვეტილებას შენგენის ზონის ქვეყნების მიმართ. როგორც ნატალი საბანაძემ განგვიმარტა, საქართველოს არ აქვს ვალდებულება, საპასუხო ზომები მიიღოს, მაგრამ ამოქმედდება ნაცვალგების პრინციპი. რა თქმა უნდა, საქართველოს გადასაწყვეტი იქნება, რა პირობებით შეუშვებს ის ევროკავშირის მოქალაქეებს ქვეყანაში, იქნება გარკვეული წესები, რადგან საქართველოსთვის მნიშვნელოვანია, რომ პოზიტიური ვითარება, რომელიც ქვეყანაშია, შენარჩუნდეს, დასძენს საბანაძე. იმისათვის, რომ ვიყოთ ამ სიაში და მიმოსვლა გაგრძელდეს, ეს სიტუაცია, ასე ვთქვათ, უნდა „დავიჭიროთ“. შესაბამისი ზომები მთავრობამ უნდა მიიღოს, აზუსტებს ნატალი საბანაძე.
რეკომენდაციები:
- კორონავირუსის გავრცელების გამო გაუქმებული ავიაბილეთების კომპენსაცია: compensair.com
- ეპიდემიის გამო დაწესებული შეზღუდვების პირობებში მოგზაურობის შესახებ დეტალური ინფორმაცია: მოგზაურთა ჯგუფი
- 10 ევროს ფასდაკლება თვითმფრინავების, მატარებლისა და ავტობუსების ბილეთებზე: Omio
- დაბალფასიანი საცხოვრებელი შეგიძლიათ დაჯავშნით Airbnb-ზე. თუ ამ გვერდიდან დარეგისტრირდებით 44 ევროს ფასდაკლებას მიიღებთ.