ჩეხეთის ინტერნეტგამოცემა zdopravy.cz იტყობინება, რომ ავიაკომპანია Georgian Airways კვირაში ორიდან სამამდე გაზრდის თბილისი-პრაღის ავიარეისების რაოდენობას.
2019 წლის მარტის ბოლოდან ავიაკომპანია Georgian Airways პრაღასა და თბილისს შორის ავიარეისებს კვირაში ორის ნაცვლად სამჯერ შეასრულებს. საქართველოს და ჩეხეთის დედაქალაქებს შორის ავიამიმოსვლა განხორციელდება სამშაბათს, პარასკევს და კვირას.
მგზავრებს მოემსახურება Embraer 190, რომელიც დაკომპლექტებულია 97 სამგზავრო სავარძლით (88 ეკონომკლასი და 9 ბიზნესკლასი). პრაღასა და თბილისს შორის ფრენის ხანგრძლივობა 3 საათი და 30 წუთია. Georgian Airways-მა თბილისსა და პრაღას შორის ფრენები 2018 წლის გაზაფხულზე დაიწყო.
საქართველოდან ჩეხეთში, კერძოდ კი ქუთაისიდან პრაღაში დაფრინავს დაბალბიუჯეტური ავიაკომპანია Wizz Air.
