მთავარი ახალი ამბები გუდაურში ფრენებს გერმანულ-ავსტრიული კომპანია განახორციელებს

გუდაურში ფრენებს გერმანულ-ავსტრიული კომპანია განახორციელებს

by Kakha Mchedlidze
0 კომენტარი

სამოქალაქო ავიაციის სააგენტომ კომპანია HTM Helicopter Travel Munich GmbH-ზე გუდაურში ფრენების განხორციელების ნებართვა 15 იანვარს გასცა.

საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტოში შემოტანილი განაცხადის მიხედვით, გერმანულ-ავსტრიული კომპანია HTM Helicopter Travel Munich GmbH, მიმდინარე წლის 31 იანვრიდან 18 მარტამდე, AS 350 B3-ის ტიპის თანამედროვე ვერტმფრენით, გუდაურში Heli-skiing ტურებს მოემსახურება, რაც მოთხილამურეებისა და სნოუბორდისტებისაგან წინასწარ დაკომპლექტებული ტურისტული ჯგუფების ვერტმფრენიდან გაუკვალავ თოვლში გადასხმას და მათთვის თხილამურებით სრიალისა და სნოუბორდინგის ორგანიზებას გულისხმობს.

ფრენები დაიშვება ხელსაყრელ მეტეოროლოგიურ პირობებში და ვიზუალური ფრენის წესებით (VFR).

HTM Helicopter Travel Munich GmbH ვერტმფრენების მეორე უცხოური კომპანიაა, რომელიც წელს გუდაურის საკურორტო ზონაში ფრენებს განახორციელებს. ავსტრიული Wucher Helikopter Gmbh ე.წ. Heli-skiing ტურებს 15 იანვრიდან 15 აპრილამდე გუდაურის, მესტიისა და გოდერძის საკურორტო ზონებში მოემსახურება.

აქვე ავღნიშნავთ, რომ ქართული კომპანიებისთვის ქვეყნის ტერიტორიაზე იგივე საქმიანობის განხორციელება დაშვებულია გამარტივებული პირობებით – ოპერირების დაწყებამდე ფრენის გეგმის (Flight Plan) მიწოდებით შპს „საქაერონავიგაციისთვის“.

წყარო: gcaa.ge

  •  
  •  
  •  
  •  
  •  
  •  
  •  
0 კომენტარი
0

სხვა მასალები

კომენტარები