მთავარი ახალი ამბები საზღვრებთან მოქალაქეებს კორონავირუსზე საველე კარავში დააკვირდებიან

საზღვრებთან მოქალაქეებს კორონავირუსზე საველე კარავში დააკვირდებიან

by მე მოგზაური
0 კომენტარი
მოქალაქეებს კორონავირუსზე საველე კარავში დააკვირდებიან

ახალი კორონავირუსის პრევენციისთვის, საქართველოს ყველა სახმელეთო საზღვართან და ყველა საერთაშორისო აეროპორტთან საველე კარვები დამონტაჟდა. ინფორმაციას შინაგან საქმეთა სამინისტრო ავრცელებს.

უწყების ინფორმაციით, საქართველოს მთავრობის უწყებათაშორისო საკოორდინაციო საბჭოს გადაწყვეტილებით, კარვები თანამედროვე სტანდარტებით მოეწყო.

შსს განმარტავს, რომ ჯანმრთელობის მსოფლიო ორგანიზაციის მიერ მაღალი რისკის ზონებად განსაზღვრული ქვეყნებიდან შემოსული მგზავრები შემოწმების შემდეგ, მოსაცდელი დარბაზის ნაცვლად, ნახევრად თერმულ, თანამედროვე სტანდარტების შესაბამის კარვებში განთავსდებიან. უწყება განმარტავს, რომ კარავში მუდმივად იმორიგევებს სამედიცინო პერსონალი.

„სასაზღვრო გამტარ პუნქტებში, ჯანმრთელობის მსოფლიო ორგანიზაციის მიერ მაღალი რისკის ზონებად განსაზღვრული ქვეყნებიდან შემოსული მგზავრების შემოწმებას 24 საათის განმავლობაში ახდენენ“, – განმარტებულია შსს-ს განცხადებაში.

2 მარტის მდგომარეობით, საქართველოში ლაბორატორიულად დადასტურებული კორონავირუსით ინფიცირების სამი შემთხვევაა. საქართველოში კარანტინში 97 ადამიანია, (ჯანდაცვის მინისტრი 120-ს ასახელებს ) მათგან 40 სამედიცინო დაწესებულებებშია. გარდა ამისა, ლუგარის ლაბორატორიაში თბილისიდან, გორიდან და ქუთაისიდან გადასამოწმებლად სულ 14 სინჯია გადაგზავნილი.

საქართველოში კორონავირუსის სამივე შემთხვევა ბოლო რამდენიმე დღის წინ გამოვლინდა. სამივე საქართველოს მოქალაქეა. პირველი 50 წლამდე მამაკაცია, რომელიც ქვეყანაში ირანიდან შემოვიდა. მეორე 31 წლის ქალია, რომელიც ქუთაისის საერთაშორისო აეროპორტში იტალიიდან ჩამოფრინდა. მესამე ინფიცირებული კი მამაკაცია, რომელიც მანამდე ირანში იმყოფებოდა.

წყარო: https://www.radiotavisupleba.ge/a/30464249.html

 

  • 7
  •  
  •  
  •  
  •  
  •  
  •  
0 კომენტარი
0

კომენტარები