დაბალბიუჯეტიანი ავიაკომპანია Wizz Air პირველი მაისიდან ლონდონის და ვენის ბაზებიდან ევროპის რამდენიმე ქალაქის მიმართულებით ფრენებს ანახლებს.
Wizz Air ოპერირებას 20 მიმართულებით განახორციელებს. მათ შორისაა რეისები ლონდონიდან, ლუტონის აეროპორტიდან: ლისაბონი, ბუდაპეშტი, სოფია, ბრატისლავა, ბელგრადი და რუმინეთის რამდენიმე ქალაქში (დედაქალქის გარდა). ასევე, ვენა-ლისაბონი და 15 მასიდან კი ვენა-თელავივი.
ავიაკომპანია მგზავრებს თხოვნით მიმართავს, თვითმფრინავში გამოცხადდნენ პირბადეებით და დამცავი საშუალებებით, რათა უზრუნველყოფილი იქნას ეკიპაჟის წევრების და სხვა მგზავრების უსაფრთხოება.
რაც შეეხება საქართველოში Wizz Air-ის ფრენების დაწყების თარიღს, ეს ჯერ-ჯერობით უცნობია და ის ქვეყანაში საგანგებო ვითარების პირობებზეა დამოკიდებული. ამჟამად არსებული NOTAM-ის საფუძველზე, საქართველო რეგულარული ავიარეისებისთვის დახურულია 23 მაისის ჩათვლით.
რეკომენდაციები:
- კორონავირუსის გავრცელების გამო გაუქმებული ავიაბილეთების კომპენსაცია: compensair.com
- ეპიდემიის პირობებში მოგზაურობის შესახებ დეტალური ინფორმაცია: მოგზაურთა ჯგუფი
- 10 ევროს ფასდაკლება მატარებლის, ავტობუსებისა და თვითმფრინავების ბილეთებზე: Omio
