მთავარი ტრანსპორტი პოლონეთის ავიაციის მუზეუმი

პოლონეთის ავიაციის მუზეუმი

by მე მოგზაური
0 კომენტარი
ავიაციის მუზეუმი

კრაკოვში მორიგი მოგზაურობის თარიღი ახლოვდება და იმაზე ფიქრში თუ რა დამრჩა კიდევ სანახავი გამახსენდა, რომ ბევრი მასალა ჯერ კიდევ დაუმუშავებელი მაქვს. მათ შორის არის პოლონეთის ავიაციის მუზეუმი. არ მიყვარს მუზეუმებში ხეტიალი, უფრო ცოცხალი ქალაქების მონახულება მირჩევნია, მაგრამ ავიაციის მუზეუმი ერთ-ერთი გამონაკლისია – ის ნამდვილი სამოთხეა მფრინავი ჯართის მოყვარულთათვის.

მუზეუმი დაარსდა 1964 წელს და დღემდე ადგილობრივებისა და ტურისტების დიდი ინტერესით სარგებლობს ექსპონატების მრავალფეროვნებითა და რაოდენობით. ძველ აეროდრომზე განლაგებულ მუზეუმში დაცულია 150-ზე მეტი მფრინავი აპარატი და უამრავი საავიაციო ძრავი თუ მოწყობილობა.

Yakovlev Yak-23

Yakovlev Yak-23 – მწარმოებელი საბჭოთა კავშირი 1947 წლიდან. უფრო კონკრეტულად კი თბილისის 31-ე ქარხანა (თბილავიამშენი).

Yakovlev Yak-23

თანმიმდევრობის დაცვა გამიჭირდება და ყველა ექსპონატსაც ვერ გაჩვენებთ, მაგრამ შევეცდები ძირითადი არ გამოვტოვო.

Bristol F.2B Fighter

ლეგენდარული ბრიტანული Bristol F.2B Fighter. მისი წარმოების დაწყება 1917 წლით თარიღდება. პოლონეთს 106 ცალი Bristol F.2B Fighter 1920 წელს შეუძენია, რომლებიც ექსპლოატაციაში იყო 1932 წლამდე.

Bristol F.2B Fighter

შემდეგია “ისკრა” – TS-11 Iskra bis B “Red 1”. ეს არის პოლონური საბრძოლო-სავარჯიშო თვითმფრინავი, რომლის წარმოება თარიღდება 1971 წლით. ტექნიკური მახასიათებლებიდან თვალში მომხვდა სიჩქარე – 720 კმ/სთ.

ისკრა

პოლონეთის სამხედრო-საჰაერო ძალები აღჭურვილი იყვნენ “ისკრას” რამდენიმე მოდიფიკაციის თვითმფრინავეით.

TS-11 Iskra bis B "Red 1"

Albatros C.I – 1920 წელს აგებული ამ საფრენი აპარატის (ნარჩენების) გადაღება ოდნავ გამიჭირდა რადგან მოთავსებული იყო ჩაბნელებულ და ვიწრო დერეფანში, თუმცა თვალსაჩინოებისთვის მაინც გამოდგება.

Albatros C.I

უამრავ ექსპონატს შორის ყველაზე მეტად სააბი მომეწონა. შვედური გამანადგურებელი SAAB J 35J Draken აგებულია 1958-60 წლებში.

SAAB J 35J Draken

ეს სილამაზე ანვითარებს 2125 კმ/სთ სიჩქარეს. თვითმფრინავების მშენებლობაში დაგროვილი ცოდნა და ტექნოლოგიები გამოყენებულია სააბის ავტომობილების შექმნისას.

SAAB J 35J Draken

კიდევ ერთი სააბი – SAAB AJSF 37 Viggen, რომელიც ანვითარებს 1185 კმ/სთ-ს. მისი წარმოების დასაწყისი 1970 წლით თარიღდება.

SAAB AJSF 37 Viggen

შვედურიდან ჩეხოსლოვაკიურზე გადავინაცვლოთ.

L-29 Delfín (Dolphin)

1961 წელს აგებული Aero L-29 Delfín (Dolphin), რომელმაც მაშინ მოსკოვში გამართულ კონკურსზე გაიმარჯვა და საბჭოთა Yak-30 და პოლონური TS-11 Iskra დაჯაბნა.

Aero L-29 Delfin

ჩეხოსლოვაკიის ავიაციის შემდეგ მეზობელი გერამნიის საფრენ აპარატებსაც გადავხედოთ.

Amiot AAC.1 Toucan (Junkers Ju 52/3m g14e)

Amiot AAC.1 Toucan (Junkers Ju 52/3m g14e) – ამ თვითმფრინავმა “ომის” ფილმები და ჰიტლერი გამახსენა, არადა ფრანგების ხელიც ურევია მის წარმოებაში. 1932 წელს შექმნილი ეს მოდელი Junkers Ju 52 გამოყენებული იყო როგორც სამოქალქო, ასევე სამხედრო ავიაციაში.

Amiot AAC.1 Toucan (Junkers Ju 52/3m g14e)

გერმანიის შემდეგ საბჭოთა სამხედრო საავიაციო მრეწველობის პროდუქციასაც გადავხედოთ.

WSK Lim-1 / licenced MiG-15

საბჭოთა MiG-15 (მიქოიან-გურევიჩი) – ეს თვითმფრინავი აგებულია პოლონეთში, ამიტომ მუზეუმში გვხვდება – WSK Lim-1 სახელწოდებით. მისი ისტორია 1947 წლიდან იწყება.  საბჭოთა კავშირში MiG-15-ს ამზადებდა თბილისის 31-ე ქარხანა.

WSK Lim-2 / licenced MiG-15bis

MiG-15bis / WSK Lim-2-ის ცხვირის ნესტოები. MiG-15-ის ოდნავ გვიანი ვერსია, ის აგებულია 1949 წელს.  ანვითარებს 1075 კმ/სთ სიჩქარეს.

Mikoyan-Gurevich MiG-15UTI

ეს კი სუფთა საბჭოთა Mikoyan-Gurevich MiG-15UTI

WSK Lim-6MR

გამორჩეულცხვირიანი “მიგი” – WSK Lim-6MR

WSK Lim-6M

კიდევ ერთი “მიგი” არანაკლებ გამორჩეული ცხვირით – WSK Lim-6M

Mikoyan-Gurevich MiG-19PM

საბჭოთა Mikoyan-Gurevich MiG-19PM.

ამ და ზევით გამოფენილი სხვა “მიგების” ფრენის სიჩქარე მერყეობდა 1100 კმ/სთ-დან 1250 კმ/სთ-მდე. ახალ გადავედით უფრო მაღალ სიჩქარეებზე.

Mikoyan-Gurevich MiG-21F-13

Mikoyan-Gurevich MiG-21F-13 – მისი მაქსიმალური სიჩქარეა 2175 კმ/სთ. მისი წარმოება სათავეს იღებს 1960 წლიდან.

კრაკოვის მუზეუმში დაცულია თბილისის საავიაციო ქარხანაში შექმნილი კიდევ რამდენიმე თვითმფრინავი. მათ შორის არის MiG-21U, MiG-21UM და MiG-21US.

Mikoyan-Gurevich MiG-21US

Mikoyan-Gurevich MiG-21US

Mikoyan-Gurevich MiG-21UM

Mikoyan-Gurevich MiG-21UM

მიგებს კოლექცია სრულდება “ორკუდინი” GT ვერსიით, “გრანდტურიზმო” არ გეგონოთ 🙂

Mikoyan-Gurevich MiG-29GT (UB)

Mikoyan-Gurevich MiG-29GT (UB) მისი სერიული წარმოება საბჭოთა კავშირში დაიწყო 1982 წელს. თვითმფრინავი ანვითარებს 2400 კმ/სთ სიჩქარეს.

Mikoyan-Gurevich MiG-29GT (UB)

ავიაციის მუზეუმში გამოფენილია რამდენიმე “სუ”, მაგრამ არცერთია თბილისური წარმომავლობის.

Sukhoi Su-22M4

Sukhoi Su-22M4

მოიერიშე და გამანადგურებელ თვითმფრინავებს ენაცვლება სამხედრო ვერტმფრენები.

სამხედრო ვერტმფრენები

მათ მოსდევს სამოქალაქო ავიაცია.

Yakovlev Yak-40

1973 წელს აგებული საბჭოთა Yakovlev Yak-40

Ilyushin (VEB) IL-14S

1946 წლის საბჭოთა Ilyushin (VEB) IL-14S

ისევ სამხედრო თვითმფრინავები:

Hawker Siddeley Harrier GR.3

1971 წელს აგებული ამერიკული Hawker Siddeley Harrier GR.3

Dassault Mirage 5 BA

ფრანგული Dassault Mirage 5 BA – აგებულია 1970 წელს, ანვითარებს 2400 კმ/სთ.

Jaguar GR.1

ანგლო-ფრანგული SEPECAT Jaguar GR.1

Ling Temco Vought A-7P Corsair II

მარცხნივ ამერიკული Ling Temco Vought A-7P Corsair II

Yakovlev Yak-17UTI

საბჭოთა Yakovlev Yak-17 – 1947 წ.

Yakovlev Yak-11

და კიდევ ერთი “იაკი” – Yakovlev Yak-11

Zlín Z-50LA

ჩეხოსლოვაკური (ჩეხური) Zlín Z-50LA

Albatros B.IIa (L.30)

ეს კი 1913-14 წლების გერმანული Albatros B.IIa (L.30) მისი მაქსიმალური სიჩქარე იყო 120 კმ/სთ.

და ბოლოს ლეგენდარული F  სერიის Lockheed F-104S ASA-M Starfighter

Lockheed F-104S ASA-M Starfighter

F-104S-ის წარმოება სათავეს იღებს 1950 წლიდან აშშ-ში. ის იყო სერიული წარმოების პირველი თვითმფრინავი, რომელიც ანვითარებდა 2000 კმ/სთ-ზე მაღალ სიჩქარეს (მაქსიმუმ 2330 კმ/სთ).

Lockheed F-104S ASA-M Starfighter

თვითმფრინავის კორპუსის ფორმებისა და აეროდინამიკის, ასევე მძლავრი ძრავის გამო მას რაკეტასაც კი ეძახდნენ.

Lockheed F-104S ASA-M Starfighter

ეს თვითმფრინავი დიდი ხნის მანძილზე იყო ნატოს წევრი ქვეყნების, თურქეთისა და იტალიის სამხედრო საჰაერო ძალების სიამაყე. სულ გამოშვებულია 2580 ერთეული F-104 და რომელთა ექსპლოატაციას ეწეოდა 14 ქვეყანა.

პოლონეთის ავიაციის მუზეუმი

თუ კრაკოვში მოგზაურობას და ავიაციის მუზეუმის მონახულებას გადაწყვეტთ აუცილებლად დაგჭირდებათ დაბალბიუჯეტიანი სასტუმროს დაჯავშნა. ეძებეთ არა ბუკინგკომზე, ან სხვა რაიმე მსგავსს- საიტზე, არამედ მათში საუკეთესო ვარიანტების მაძიებელ hotelscombined.com-ზე.

hotelscombined-krakow

ან შეგიძლიათ Airbnb-ზე ჩემგან დარეგისტრირდეთ და დაჯავშნოთ აპარტამენტი 20 დოლარიანი ფასდაკლებით.

airbnb-krakow

  • 36
  •  
  •  
  •  
  •  
  •  
  •  
0 კომენტარი
0

სხვა მასალები