მთავარი ახალი ამბები ქუთაისი-ვილნიუსის ავიამიმართულება ყველაზე მოთხოვნადია

ქუთაისი-ვილნიუსის ავიამიმართულება ყველაზე მოთხოვნადია

by მე მოგზაური
0 კომენტარი

“საქართველოს აეროპორტების გაერთიანების” ინფორმაციით, 2018 წელს ქუთაისის საერთაშორისო აეროპორტიდან ყველაზე მეტმა მგზავრმა ვილნიუსისკენ აიღო გეზი. 

ლიეტუვის დედაქალაქი პირველ ადგილს იკავებს ყველაზე მოთხოვნადი მიმართულებების ხუთეულში.

ეკონომიკის სამინისტროს „საქართველოს აეროპორტების გაერთიანების” მონაცემებით, TOP-5 ასეთია:

  1. ვილნიუსი
  2. ვარშავა
  3. დორტმუნდი / კატოვიცე
  4. ბერლინი
  5. მემინგენი

2018 წელს ქუთაისის საერთაშორისო აეროპორტი 617,342 მგზავრს მოემსახურა, რაც წინა წლის ანალოგიურ პერიოდთან შედარებით 52,5%-ით მეტია. მგზავრთა 95%-მა (587,643 მგზავრი) ევროპის ყველაზე სწრაფად მზარდი ავიაკომპანიის, „ვიზეარის“ (Wiz Air) სერვისით ისარგებლა. 2018 წელს საქართველოს ავიაბაზრის ლიდერი სწორედ Wiz Air-ი გახდა.

ევროპის აეროპორტებს შორის ქუთაისი ლიდერობს მგზავრთა ნაკადის ზრდის თვალსაზრისით. ევროპის აეროპორტთა საერთაშორისო საბჭოს (ACI EUROPE) მონაცემებით, მგზავრთა ნაკადის 52.5%-იანი ზრდა საუკეთესო მაჩვენებელია იმ აეროპორტებს შორის, რომელთა მგზავრთა ნაკადი 5 მილიონზე ნაკლებია.

“საქართველოს აეროპორტების გაერთიანების” ინფორმაციით, 1 აგვისტოდან ქუთაისის დავით აღმაშენებლის საერთაშორისო აეროპორტში ოპერირებას დაიწყებს Wizz air-ის მესამე ბაზირებული საჰაერო ხომალდი (AIRBUS A 320). ის რეგულარულ ფრენებს ბაზელის, კოპენჰაგენის, ბრიუსელის, ტალინის, ეინდჰოვენისა და ბარის მიმართულებით შეასრულებს.

წყარო: რადიო თავისუფლება

  • 19
  •  
  •  
  •  
  •  
  •  
  •  
0 კომენტარი
0

სხვა მასალები

კომენტარები