მთავარი მოგზაურობა როგორ მოვხვდეთ ევროპის აეროპორტებიდან ახლომდებარე ქალაქებში ყველაზე იაფად?

როგორ მოვხვდეთ ევროპის აეროპორტებიდან ახლომდებარე ქალაქებში ყველაზე იაფად?

by კახა მჭედლიძე
0 კომენტარი
კატოვიცეს აეროპორტი

აქ თავმოყრილია პოსტები, რომლებიც ასახავს ევროპის აეროპორტებიდან ახლომდებარე ქალაქებში იაფად მგზავრობის დეტალებს. იმას თუ როგორ უნდა იყიდოთ ბილეთი და ა.შ.

ევროპის ბევრ აეროპორტში ტაქსის მომსახურება იმაზე გაცილებით ძვირი ღირს, ვიდრე თავად ავიაბილეთები ჯდება.  არადა Wizz Air-ით, მაგალითად პარიზში 30-50 ევრდ ჩაფრენის შემდეგ ტაქსი, რომ 80-120 ევროს გადახდას მოგთხოვთ, სასიამოვნო ნამდვილად არ არის, მითუმეტეს ბიუჯეტური მოგზაურობისას. დეტალურად გაეცანით ყველა ნიუანსს იმის შესახებ თუ როგორ უნდა იმგზავროთ:

 

ქუთაისიდან პარიზში ბოვეს გავლით

როგორ მოვხვდეთ ევროპის აეროპორტებიდან ახლომდებარე ქალაქებში ყველაზე იაფად? - მე მოგზაური

პარიზში მოგზაურობის მსურველებს საშუალება ეძლევათ დაბალბიუჯეტიანი ავიარეისით ქუთაისიდან პარიზში, ბოვეს აეროპორტის გავლით მოხვდნენ. ამაში მათ Wizz Air-ის იაფფასიანი ავიაბილეთები დაეხმარება. ამ პოსტში განვიხილავთ თუ რა გზა უნდა განვლოთ ოცნების ქალაქამდე. დაბალბიუჯეტიანი ავიაკომპანიების მუშაობის პრინციპიდან გამომდინარე ისინი იყენებენ მცირე ზომის აეროპორტებს, რომელთა ნაწილი დანიშნულების ადგილიდან მოშორებით მდებარეობს. ამ შემთხვევაშიც ასეა, ქუთაისიდან პარიზში ჩაფრენის მსურველი თავდაპირველად Beauvais (ბოვეს) აეროპორტში მოხვდება… სტატია სრულად: ქუთაისიდან პარიზში ბოვეს გავლით

 

პრაღის ტრანსპორტი: მეტრო, ტრამვაი, ავტობუსი

როგორ მოვხვდეთ ევროპის აეროპორტებიდან ახლომდებარე ქალაქებში ყველაზე იაფად? - მე მოგზაური

პრაღის ტრანსპორტი ბევრს აინტერესებს, ანუ ის, თუ როგორ უნდა ვიმგზავროთ აეროპორტიდან და როგორ გამოვიყენოთ ავტობუსი, მეტრო და ტრამვაი. დაინტერესებულთა რიცხვი კიდევ უფრო გაიზრდა მას შემდეგ რაც 2018 წლის მაისის მეორე ნახევრიდან Wizz Air-მა ქუთაისი-პრაღის ავიარეისების შესრულება დაიწყო. თბილისიდან კი პრაღაში ფრენებს ახორციელებს “ჯორჯიან ეარვეისი”.

მოკლედ, პრაღის აეროპორტიდან გასვლისთანავე, ტაქსების სადგომის გადაღმა, თქვენს წინ შეამჩნევთ ავტობუსების გაჩერებას.  ტაქსებს ზედაც არ შეხედოთ, გაგატყავებენ. აქ მოდის და აქედან გადის ნომერი: 119 და 100 მარშრუტის ავტობუსები… სტატია სრულად: პრაღის ტრანსპორტი

 

როგორ ვიმგზავროთ ათენში? ავტობუსი, მეტრო, ტაქსი

როგორ მოვხვდეთ ევროპის აეროპორტებიდან ახლომდებარე ქალაქებში ყველაზე იაფად? - მე მოგზაურიphoto by: welcomepickups.com

ათენში მოგზაურობისას ხარჯების შემცირებისთვის საჭიროა საქალაქო ტრანსპორტის სახეობების ოპტიმალურად შერჩევა. მაგალითად აეროპორტიდან ქალაქის ცენტრამდე მისასვლელად უფრო იაფია ავტობუსით მგზავრობა ვიდრე მატარებლით (ელექტრიჩკა). ავტობუსის ბილეთში 6 ევროგადავიხადე, მაშინ როდესაც მატარებელით მგზავრობა დაახლოებით 2 ევროთი ძვირი ჯდებოდა (ელექტრიჩკიდან პირდაპირ მეტროში გადაჯდომა შეიძლება). თუმცა თუ მეტრო არ გჭირდებათ მცირედი სხვაობაც კი განსაკუთრებით მნიშვნელოვანია ისეთი ბიუჯეტური მოგზაურობისას, როდესაც ათენამდე ჩასვლა სულ 25 ევრო ჯდება. თანაც ავტობუსი უფრო ხშირად მოძრაობს და მატარებელს ლოდინი სჭირდება… სტატია სრულად: როგორ ვიმგზავროთ ათენში?

 

როგორ ვიმგზავროთ ბუდაპეშტში

როგორ მოვხვდეთ ევროპის აეროპორტებიდან ახლომდებარე ქალაქებში ყველაზე იაფად? - მე მოგზაურიphoto by: welcomepickups.com

საზოგადოებრივ ტრანსპორტთან პირველი შეხება აეროპორტიდან იწყება. 200E არის ავტობუსი რომელიც მეტროს ყველაზე ახლო სადგურთან მიგიყვანთ. ლურჯი ავტობუსი პირდაპირ აეროპორტის ტერმინალის გამოსასვლელთან ჩერდება.

ამ მარშრუტს ახლახანს დაემატა 100E, რომელიც აეროპორტსა და ქალაქის ცენტრს შორის მოძრაობს.  მისი ბოლო ავტობუსიგაჩერება მეტროსადგურ Deák Ferenc ter-თან არის.

სანამ ავტობუსში ჩაჯდებით უნდა შეიძინოთ ბილეთი… სტატია სრულად: როგორ ვიმგზავროთ ბუდაპეშტში

 

სალონიკის აეროპორტიდან ქალაქის ცენტრში

როგორ მოვხვდეთ ევროპის აეროპორტებიდან ახლომდებარე ქალაქებში ყველაზე იაფად? - მე მოგზაური

აეროპორტიდან ქალაქის ცენტრამდე 78 ნომერი ავტობუსით ვიმგზავრეთ, რომლის ბილეთი 2 ევრო ღირს, ბილეთები გაჩერებასთან მდგარ ავტომატში იყიდება, ან თავად ავტობუსში. აეროპორტი-სალონიკის ავტობუსი სადღეღამისოა და თითქმის ყოველ 30 წუთში გადის. შუა ღამით 23:30 საათიდან 05:30 საათამდე აეროპორტსა და სალონიკს შორის ღამის ავტობუსი მოძრაობს ნომრით 78N… სტატია სრულად: გასეირნება სალონიკში

 

ვროცლავის აეროპორტიდან ქალაქის ცენტრში

ვროცლავის აეროპორტიდან ქალქის ცენტრამდე მგზავრობისთვის სხვადასხვა დროს ორი სახეობის ტრანსპორტი გამოვიყენე. პირველად “უბერის” ტაქსით ვიმგზავრე, პოლონეთში “უბერი” საკმაოდ იაფია, აეროპორტიდან ქალაქის ცენტრამდე დაახლოებით 18 ლარი გადავიხადე.

ვროცლავის აეროპორტი

მეორე ვიზიტისას ავტობუსით ვიმგზავრე. 106 ნომერი ავტობუსი აეროპორტის წინ დგას და ბილეთები იქვე ავტომატებში იყიდება. თუმცა შეგიძლიათ მგზავრობის საფასური საბანკო ბარათით პირდაპირ ავტობუსში გადაიხადოთ. უბრალოდ პირდაპირ დაადებთ სარეგისტრაციო აპარატს და სულ ესაა. მგზავრობის საფასური 3,40 ზლოტია, ანუ დაახლოებით 3 ლარს შეადგენს. ამ მარშრუტით ავტოსადგურში მოხვდებით, რომელიც სავაჭრო ცენტრის პირველ სართულზეა განლაგებული, აქვე არის რკინიგზის სადგური და საქალაქო ტრანსპორტის გაჩერებები. ყველაფერი ვროცლავის შესაზებ: ვროცლავი – გასეირნება გნომების ზღაპრულ ქალაქში

 

აეროპორტი კატოვიცე – კატოვიცე და კრაკოვი

კატოვიცეს აეროპორტი დიდი ხნის მანძილზე იყო საქართველოდან ბიუჯეტური ფრენების ძირითადი მიმართულება. ახლაც არ დაუკარგავს მას აქტუალობა, ერთ-ერთი დატვირთული მიმართულებაა. სწორედ კატოვიცეს აეროპორტიდან დაიწყო თავისი პირველი რეისების შესრულება ბიუჯეტურმა ავიაკომპანია Wizz Air-მა.

კატოვიცეს აეროპორტი ქალაქიდან საკმაოდ მოშორებით, სოფელ პირჟოვიცეში მდებარეობს. სწორედ ამ დასახლების სახელს ატარებს მიკროავტობუსების კომპანია PyrzowiceEkspres – რომლითაც მე წლების მანძილზე ვსარგებლობ და სიიაფესთან ერთად სანდოობით გამოირჩევა, ელოდება მგზავრებს, ცდილობს მათთან ტელეფონით დაკავშირებას და  არასდროს მიგატოვებთ.

კატოვიცეს აეროპორტი

პირჟოვიცე ექსპრესის ბილეთები ფასი ინტერნეტით შეძენისას 1-2 ევროთი ნაკლებია ვიდრე ადგილზე. ამიტომ გირჩევთ ბილეთები მათ საიტზე შეიძინეთ: www.pyrzowiceekspres.pl

  • აეროპორტი კატოვიცე – კრაკოვი: 11 ევრო
  • აეროპორტი კატოვიცე – კატოვიცე: 5 ევრო

კატოვიცეს აეროპორტიდან როგორც კრაკოვის, ასევე კატოვიცეს მიმართულებით მოძრაობს საქალაქო (საზოგადოებრივი) ავტობუსები. მათი ფასი 6-8 ევროს ფარგლებშია, მაგრამ არ გირჩევთ, საკმაოდ არაკომფორტული მგზავრობა გამომივიდა, საცდელად ჩავჯექი და მიუხედავად იმისა, რომ ავტობუსი ახალი იყო ძრავის ხმაურმა და გაქვავებულმა სავარძელმა დამღალა.

კატოვიცე Flixbus

არის კიდევ ერთი ვარიანტი, რომელიც 1-2 წლის წინ გამოჩნდა – Flixbus-ის ავტობუსი, რომელიც კატოვიცესაც გაივლის და კრაკოვშიც ჩაგიყვანთ, თანაც ბილეთს თუ 1-2 თვით ადრე შეიძენთ და ან ფასდაკლების კუპონს გამოიყენებთ, მგზავრობას 1-2 ევროდაც შეძლებთ, სტანდარტულად კი 7-8 ევრო ღირს.

 

ასევე გამოგადგებათ პოსტი აეროპორტებიდან ტრანსფერების შესახებ:

ტრანსფერი თუ საზოგადოებრივი ტრანსპორტი?

როგორ მოვხვდეთ ევროპის აეროპორტებიდან ახლომდებარე ქალაქებში ყველაზე იაფად? - მე მოგზაური

ფეისბუკზე ხალხი ხან ბოვედან პარიზში ტრანსფერს დაეძებს, ზოგიც ათენის აეროპორტიდან ცენტრში ტაქსით მისვლას ცდილობს და ასე შემდეგ. მოთხოვნა ყოველთვის მიწოდებას განაპირობებს და პარიზში უკვე გამოჩნდა ქართველი მძღოლი, რომელიც ბოვეს აეროპორტის მგზავრებს ემსახურება. ერთი მძღოლი ყველას ვერ გაწვდება, ამიტომ ბევრი არც თუ უმნიშვნელო თანხას ხარჯავს აეროპორტის ტაქსებში.

რამდენად საჭიროა ტრანსფერი აეროპორტიდან, როდის და რა შემთხვევაში სჯობს საზოგადოებრივი ტრანსპორტით მგზავრობა და რომელი უფრო ეკონომიურია? განვიხილოთ სხვადასხვა ვარიანტები… სტატია სრულად: ტრანსფერი თუ საზოგადოებრივი ტრანსპორტი?

 

რეკომენდაციები

იაფი მგზავრობის დაგეგმვის შემდეგ უნდა იზრუნოთ ბიუჯეტურ სასტუმროზე ან აპარტამენტზე. თავდაპირველად აპარტამენტებზე (ბინებზე). თუ “ეარბიენბიზე” ჩემი გვერდიდან დარეგისტრირდებით 41 ევროს ფასდაკლებას მიიღებთ. სისტემა ამდენივე კრედიტს მჩუქნის მეც. ანუ თქვენი მოგზაურობით მეც ვმოგზაურობ 🙂

airbnb-budapest

თუ როგორ მუშაობს ბინების დაჯავშნის საიტი და რა უპირატესობები აქვს აპარტამენტებს აღწერილი მაქვს სპეციალურ პოსტში.

სასტუმროების მოყვარულებს ბიუჯეტური ვარიანტის მოძიებაში დაგეხმარებათ Booking.com

თუ სასტუმრო გეძვირათ ამავე საიტზე შეგიძლიათ შეარჩიოთ 10-15 ევროიანი ჰოსტელის დამოუკიდებელი ნომერიც, არჩევანი დიდია.

სხვა რეკომენდაციები:

  • დაბალფასიანი საცხოვრებელი შეგიძლიათ დაჯავშნით Airbnb-ზე. თუ ამ გვერდიდან დარეგისტრირდებით 44 ევროს ფასდაკლებას მიიღებთ.
  • თუ სასტუმროებს დაეძებთ, მაშინ ეწვიეთ სასტუმროების ყველაზე დიდ საძიებო სისტემას: Booking.com
  • 10 ევროს ფასდაკლება მატარებლის, ავტობუსებისა და თვითმფრინავების ბილეთებზე: Omio
  • მუზეუმების ბილეთების საიტი: Tiqets
  • დაგვიანებული, გადადებული ან გაუქმებული ავიარეისების კომპენსაცია: compensair.com
  • 621
  •  
  •  
  •  
  •  
  •  
  •  
0 კომენტარი
1

სხვა მასალები

კომენტარები