მთავარი ქალაქებიკრინიცა სოფლის ცხოვრება პოლონურად – ნაწილი 2

სოფლის ცხოვრება პოლონურად – ნაწილი 2

by მე მოგზაური
0 კომენტარი

ვაგრძელებ პოლონეთის სოფლის ცხოვრების აღწერას. ნაკლებად სავარაუდოა, რომ ყველა სოფელი ასეთი იყოს და ყველგან მსგავსი ცხოვრება ჰქონდეთ, მაგრამ მალოპოლსკის სავოევოდოში სოფლების უმრავლესობა ნამდვილად ასეთია.

სოფელი ტილიჩი პოლონეთის მთებში, კარპატებში მდებარეობს და ისევე როგორც პირველ პოსტში აღწერილი სოფელი, 1947 წლამდე დასახლებული იყო ლემკების ეთნიკური ჯგუფის ხალხით. შესაბამისად, მთელი ისტორია ლემკებს უკავშირდება, ისევე როგორც სოფლის ცენტრში მდებარე მე-17 საუკუნის ხის ეკლესია (ფოტოზე მარჯვნივ).

ტილიჩის ცენტრი

მარცხნივ მდებარე ეკლესია ახალი აგებულია და ბევრს უკვის რა საჭირო იყო ის, როდესაც ძველი მოქმედია. მაგრამ ისიც აღსანიშნავია, რომ პოლონეთში კათოლიკური ეკლესია დიდ როლს თამაშობს ხალხის ყოველდღიურ ცხოვრებაში.

ტილიჩის ხის ეკლესია

ტილიჩში არის მესამე ეკლესიაც, მაგრამ ამის შესახებ ცოტა მოგვიანებით, ახლა თვალი გადავავლოთ სოფელს.

სოფლის ცენტრი

სოფლის ცენტრში გაშენებულია მცირე ზომის პარკი, ხოლო შემდეგ ფოტოზე მოჩანს სოფლის საერთო ხედი და მარცხენა კუთხეში სტადიონის ტრიბუნები.

პოლონური სოფელი

სოფელს აქვს მარკეტის ტიპის მაღაზია, ფოსტა და სახანძრო პუნქტი.

სოფლის ქუჩა

ქუჩებში დამონტაჟებულია საგზაო ნიშნები და ტრაქტორიც კი წესების დაცვით მოძრაობს. 

ტრაქტორი

სოფლის სკოლა

სკოლა

ავტობუსის გაჩერება, “სტილიზებული” მოსაცდელით. ბაკურიანშიც შევნიშნე ქალაქის სტილიზების მსგავსი მცდელობა.

მოსაცდელი

სოფლელების სახლები

სოფელი ტილიჩი

ტილიჩში სტუმრობის მთავარი მიზანი ბიომეურნეობის “ფარმა ლამას” მონახულება იყო.

ფარმა ლამა

ფერმის საქმიანობა მრავალმხრივია ცხოველების მოშენებით დაწყებული აგროტურიზმით დასრულებული.

ფერმა ლამა

კადრში სალაროა, სადაც იყიდება ფერმაში დაგეგმილი ღონისძიების ბილეთები.

პროგრამა

ჩვენი სტუმრობის მომენტისთვის დაფაზე გამოკრულ ღონისძიებათა პროგრამაშია ჯირითში შეჯიბრი და ტალანტშოუ. მაგრამ ჩვენ მცირე ტური შემოგვთავაზეს და მარხილზე შემოგვსვეს.

მარხილი

ასეთ კომფორტულ მარხილზე პირველად ვიჯექი, ამორტიზატორების გარდა მარხილი აღჭურვილი იყო მუხრუჭებით, ასევე სტოპ და მოსახვევის ციმციმა ფარებით, რომლებსაც წამყვანი დანიშნულებისამებრ იყენებდა.

მარხილი

ერთი-ორი კილომეტრის გავლის შემდეგ მივადექით დასასვენებელ კომპლექსს.

Domki w Lesie

Domki w Lesie – ასე ჰქვია ამ სასტუმრო-დასასვენებელ კომპლექსს.

კოტეჯები

კოტეჯები ადამიანებისთვის და ცხოველებისთვისაც 🙂 აღსანიშნავია, რომ კომპლექსის დატვირთვა ერთი-ორად იზრდება, როდესაც თხილამურებისა და თოვლზე სრიალის სეზონი დგება.

ტილიჩი

მინერალური წყლის ბუნებრივი წყარო. ბორჯომის ბუნებრივი საბადოსგან განსხვავებით წყალი გაცივებული მოედინება.

ტილიჩის მინერალური წყალი

ბუნებრივი წყაროს მახლობლად მდებარეობს მინერალური წყლის საწარმო Kropla Beskidu

Kropla Beskidu

ვბრუნდებით უკან “ფარმა ლამაში”.

IMG_5242-2

ფერმაში იგრძნობა, რომ მუდმივი განვითარების პროცესი მიმდინარეობს, შენობების ნაწილი რემონტდება ტურისტული თუ სხვა მოთხოვნების დასაკმაყოფილებლად.

Farma Lama

“ფარმა ლამაში” დაბინავების მსურველთათვის სასტუმროს ნომრები ასეთია.

ფარმა ლამა

ფერმის მთავარი სიამაყეა საჯინიბო.

საჯინიბო

ცხენოსნობაში შეჯიბრისა და შოუებს გარდა ბავშვებს ცხენზე ჯირითს ასწავლიან, აწყობენ სასკოლო ტურებს და აქვთ სხვა სახის ანაზღაურებადი მომსახურებაც.

საჯინიბო

ცხენების საცხოვრებელი მუდმივად ღიაა და შიგნით თითქმის უწყვეტად ისმის პოპულარული მუსიკა.

საჯინიბო

ცხენების გვერდით და კიდევ ბევრ სხვა ადგილას იზრდებიან კურდღლები, ცხვრები და თხები…

თხა

ცალკე განყოფილება ეთმობა ათასგვარ ფრინველს.

ფრინველები

ფერმის შუაგულში კი არის ლამაზად მოწყობილი საპიკნიკე.

ფანჩატური

აქ ცხვრის ხორცით, პოლონური “ვიშნოვკით” და ყავით გაგვიმასპინძლდნენ.

კერძი

ამ უზარმაზარი კომპლექსის, რომლის სრულად აღწერა ძალიან შორს წაგვიყვანდა, შემქმნელია ერთი ამერიკელი ქალი.

IMG_20150910_162644-1

მან 20 წლის წინ დააფუძნა ფერმა ტილიჩის ცენტრში, მაშინ როდესაც პოლონეთს არანაკლებ უჭირდა ვიდრე საქართველოს. თუმცა პოლონელებმა უცხოელისთვის კარის ჩაკეტვას მასთან თანამშრომლობა ამჯობინეს.

ფარმა ლამა

შედეგად, სოფლად გაჩნდა სამუშაო ადგილები, ფერმაში ჩამოსული ტურისტების მომსახურებისთვის გაჩნდა დამატებითი ბიზნესის წამოწყების შესაძლებლობა. და ბოლოს, სოფლელი ბავშვებისთვის სწავლისა და გართობა-დასვენების არიალი გაფართოვდა. საბოლოო შედეგი კი ის არის, რომ ტილიჩის მოსახლეობის ყოფა-ცხოვრება გაუმჯობესდა რაც მარტივი შესამჩნევია მათ საცხოვრებლებზე თვალის გადავლებით.

პოლონური სახლი

პოლონეთის ამ სოფელის უფრო ახლოს გაცნობის მსურველებს შეუძლიათ მცირე დანახარჯებით იმოგზაურონ. დაბალფასიანი სასტუმროების მოძიება შესაძლებელია საიტზე: https://www.hotelscombined.com

პოსტის მომზადება შესაძლებელი გახდა კრინიცის “ეკონომიკური ფორუმის” ფარგლებში.

  • 11
  •  
  •  
  •  
  •  
  •  
  •  
0 კომენტარი
0

სხვა მასალები

კომენტარები