მთავარი ქალაქებიბათუმი რა არ მომეწონა ბათუმში

რა არ მომეწონა ბათუმში

by მე მოგზაური
0 კომენტარი

IMG_4760

სასტუმრო “რედისონთან” ახლოს, იქ სადაც ტექნოლოგიური უნივერსიტეტისთვის “ბათუმი ტაუერი” აშენდა და იქ სადაც საკამაოდ დიდი სასტუმროს, “კემპინსკის” მშენებლობა დასასრულს უახლოვდება, საშინელი სუნი ტრიალებს. მიზეზი ფოტოზეც ჩანს. ეს ჩაოხრებული ფეხსალაგი, როგორც ჩანს მუშებს ემსახურებოდა და ცათამბჯენის მშენებლობის დამთავრების შემდეგ მისი ავტორის შესარცხვენად შემოინახა ადგილობრივმა თვითმართველობამ 🙁

ბათუმი ღამით

არ ვიცი რა მიზეზით არის ჩაბნელებული ეს ულამაზესი შენობა და რა მიზეზით არ მუშაობს მასზე დამონტაჟებული ეშმაკის ბორბალი.

ეშმაკის ბორბალი ცათამბჯენზე

იმავე ავტორს მიაწერენ ამ საბაგირო გზის მშენებლობასაც, რომელიც მიუხედავად იმისა, რომ ტექნიკურად გამართულია, არ მუშაობს, დაკეტილია.

გაჩერებული საბაგირო გზა

ალბათ ველობილიკის ავტორის მიმართ დამოკიდებულება ჩანს ავტომობილების მფლობელთა საქციელშიც.

IMG_4430

დავიჯერო ამ ფეხითმოსიარულეთა საქციელიც (ისინი გზას გაზონზე გადავლით კვეთენ) პოლიტიკით არის განპირობებული?

ბათუმის ქუჩა

თუ ფეხითმოსიარულენი გაზონებს თელავენ, ავტომობილები ტროტუარებს ამსხვრევენ.

პარკირება ტროტუარზე

შედეგი

დანგრეული ქვაფენილი

არც მოქალაქეები აკლებენ ახალ ქვაფენილს.

მიწა ქვაფენილზე

აყრილი ქვაფენილი ბევრგან შემხვდა, უხარისხობა თავის როლს თამაშობს, მაგრამ გადამწყვეტი მაინც უხეში ჩარევა მგონია.

დანგრეული ტროტუარი

ეჭვი მაქვს აქ ტროტუარის კიდეზე მდგარი ბოძი ავტომობილმა შეიწირა. სანაცვლოდ გაურკვეველი ფორმის ბოძი ჩაარჭეს, თანაც სხვა ადგილზე და ძველის საძირკველი ანგრეული დატოვეს.

IMG_4490

დროშების გაქრობის ამბავი ეტყობა შემცირებული ბიუჯეტის შედეგია. ალბათ ამავე მიზეზით ვერ სრულდება ცათამბჯენებს შორის ჩარჩენილი ძველი ლოჯიებით დამშვენებული კორპუსების რეკონსტრუქცია.

ძველი კორპუსები

არ ვიცი რაში იხარჯება ქალაქის ბიუჯეტი, მაგრამ მონდომებული კაცი ასეთ ადგილზე ასფალტის დაგებას მაინც მოახერხებდა.

ტალახი ბათუმის ცენტრში

ასევე არ მომეწონა საკონსტიტუციო სასამართლოს გვერდით, მედეას ძეგლის პირას გაშლილი კარვები. აქ ეკომიგრანტების საპროტესტო აქცია კვლავაც გრძელდება მიუხედავად იმისა, რომ პრემიერ-მინისტრი კომისიის გამოყოფას და საკითხის შესწავლას დაჰპირდა.

IMG_4275

ასევე არ მომეწონა მოდად ქცეული სიტყვები “არ შეიძლება”. ძირითადად ამას ამბობდნენ ფოტოკამერის დანახვისას. მაგალითად სანაპიროზე გაშლილ ამ კომპლექსში გადაღება ამიკრძალეს.

აკრძალვა

ფოტოკამერით გადასაღები აღარაფერი დამრჩა, თორემ დაცვა ნამდვილად ვერ გააკონტროლებდა მობილურ ტელეფონს სალაპარაკოდ გამოვიყენებდი თუ გადასაღებად. უბრალოდ, ამდაგვარი უაზრო აკრძალვები არ უხდება ტურისტულ ქალაქს.

  •  
  •  
  •  
  •  
  •  
  •  
  •  
0 კომენტარი
0

სხვა მასალები

კომენტარები