მთავარი ქალაქებისოფლები და აგარაკები შუხმანის სამოთხე

შუხმანის სამოთხე

by მე მოგზაური
0 კომენტარი

2008 წლის 11 აგვისტოს, როდესაც რუსეთის ჯარი თბილისისკენ მიიწევდა, გერმანელმა კაცმა ბურკჰარდ შუხმანმა ხელი მოაწერა ხელშეკრულებას, რომელიც საქართველოში დაახლოებით 7 მილიონი ევროს ინვესტიციის განხორციელებას ითვალისწინებდა.

შუხმანის სამოთხე - მე მოგზაური

წინანდლის მეზობლად, სოფელ კისისხევში, აგებული ეს შენობა იტევს ღვინის ქარხანას, მარანს, ღვინის მიწისქვეშა საცავს, რესტორანს და სასტუმროს.

შუხმანის სამოთხე - მე მოგზაური

მაღალხარისხიანი ღვინის წარმოებასთან ერთად, შუხმანის სტრატეგიის ნაწილია ღვინის ტურიზმი. ღვინის ტურიზმის პოტენციალის გასაცნობად USAID-ის “ეკონომიკური აღმავლობის ინიციატივის” ორგანიზებით “შუხმან ვაინს ჯორჯიას” 20-მდე ჟურნალისტთან ერთდ ვესტუმრე. ტური ღვინის თანამედროვე წარმოების გაცნობით დაიწყო.

შუხმანის სამოთხე - მე მოგზაური

თანამედროვე ტექნიკით ღვინის დაყენება ევროპული ტექნოლოგიის მიხედვით ხდება. ამავე ეზოშია და ერთიანი კომპლექსის ნაწილად იქცა მარანი, რომლის შეძენითაც დაიწყო შუხმანის ღვინის ბიზნესი.

შუხმანის სამოთხე - მე მოგზაური

ამ ქვევრებში “ქვევრის ღვინოს” აყენებენ, რომელზეც დიდი მოთხოვნაა, როგორც საქართველოში ასევე საზღვარგარეთ. აქვე დავამატებ, რომ ქვევრში ღვინოს 6 თვეზე მეტხანს არ აჩერებენ და მისი დაძველება ბოთლებში ხდება. ეს წესი მხოლოდ თეთრ ღვინოს შეეხება.

შუხმანის სამოთხე - მე მოგზაური

ცარიელი ქვევრები ღია მდგომარეობაშია და წლის მანძილზე რამდენჯერმე რეცხავენ. მარნიდან ღვინის სარდაფში ჩავდივართ, სადაც მზადდება შუშხუნა ღვინო, ისე როგორც საფრანგეთში “შამპანური”.

შუხმანის სამოთხე - მე მოგზაური

შუხმანის ღვინის კომპანიის მეღვინე და მენეჯერი როლანდ ბურდიაშვილი ჟურნალისტებს შამპანურის ბუნებრივად მიღების ტექნოლოგიას აჩვენებს.

შუხმანის სამოთხე - მე მოგზაური

როლანდ ბურდიაშვილმა მეღვინის განათლება გერმანიაში მიიღო და სწორედ იქ გაიცნო ბურკჰარდ შუხმანი.

შუხმანის სამოთხე - მე მოგზაური

აქვეა მიწისქვეშა ღვინის საცავი, რომელშიც ღვინის შესანახად საჭირო ტემპერატურული რეჟიმი ბუნებრივად ყალიბდება – ზამთარში +15 გრადუსი, ზაფხულში +17.

შუხმანის სამოთხე - მე მოგზაური

შემდეგ გადავდივართ შესაფუთ საამქროში, სადაც ბოთლებზე სხვადასხვა ქვეყნის მოთხოვნების შესაბამისი ეტიკეტის დაწებება და შეფუთვა ხდება.

შუხმანის სამოთხე - მე მოგზაური

დგება ყველაზე საინტერესო მომენტი – დეგუსტაცია 🙂

შუხმანის სამოთხე - მე მოგზაური

დეგუსტაციის წესებს როლანდ ბურდიაშვილი განმარტავს – ჯერ ცხვირთან ახლოს მიიტანეთ, შეისუნთქეთ და შემდეგ გასინჯეთ, დაიმახსოვრეთ არომატი; მეორე ჯერზე ღვინო ჭიქაში დაატრიალეთ და დააგემოვნეთ, უსათუოდ იგრძნობთ განსხვავებას და ესეც დაიმახსოვრეთ; მესამედ ღვინო ისევ შეანჯღრიეთ და შეისუნთქეთ, მხოლოდ ამის შემდეგ გასინჯეთ და ღვინით სრულად ისიამოვნებთ.

შუხმანის სამოთხე - მე მოგზაური

თავდაპირველად, მშრალი, ევროპული ყაიდით დამზადებული თეთრი ღვინო დავაგემოვნე, ძალიან მომეწონა 🙂 შემდეგ ქვევრის თეთრი ღვინო გავსინჯე. უგემრიელესი იყო. ცნობიერებაში ამოტივტივდა ბავშვობაში განცდილი, პაპაჩემის ხის მარანის სუნელი.

შუხმანის სამოთხე - მე მოგზაური

საფერავი განუმეორებელია 🙂 რომლის შემდეგაც ნახევრადტკბილი ქინძმარაული გავსინჯეთ და აღფრთოვანებული გოგონების რეაქციამაც არ დააყოვნა… 🙂

შუხმანის სამოთხე - მე მოგზაური

და ბოლოს ევროპული ლაზათით გაშლილ ქართულ სუფრასთან მიგვიპატიჟეს. ყველა კერძს პროფესიონალი მზარეულის ხელი ეტყობოდა. სუფრაზე ყველაფერი ზომიერად, “სართულების” გარეშე იყო მოწოდებული. მომსახურე პერსონალს კი თავაზიანობა და პროფესიონალიზმი არ აკლდა. სამწუხაროდ სასტუმრო ვერ დავათვალიერე, რვავე ნომერი დაკავებული აღმოჩნდა.

შუხმანის სამოთხე - მე მოგზაური

ეს გერმანული ხარისხის მომსახურება საქართველოში, იაფი სიამოვნება არ არის, მაგრამ ძალიან კარგი ვარიანტია უცხოელი სტუმრების გასაოცებლად. სასტუმროსა და ღვინის ტურის დასაჯავშნად ეწვიეთ საიტს: www.hotelscombined.com

შუხმანის სამოთხე - მე მოგზაური

  •  
  •  
  •  
  •  
  •  
  •  
  •  
0 კომენტარი
0

სხვა მასალები

კომენტარები