მთავარი ქალაქებისტამბოლი ტაქსიმი და ისტიკლალი

ტაქსიმი და ისტიკლალი

by Kakha Mchedlidze
0 კომენტარი

ჩემთვის სტამბოლი იწყება ისტიკლალიდან, დამოუკიდებლობის გამზირიდან, სასტუმრო “რიჩმონდიდან”, რომელიც 2007 წელს ჩემს მიერ გადაღებულ ფოტოზე მარჯვენა მხარეს მოსჩანს. ადვილი შესამჩნევია, ძველი არქიტექტურის შემონობაზე დადგმული შავი შუშის კონსტრუქცია.

სასტუმრო "რიჩმონდი", 2007 წ.

პირველად, აქ 2003 წელს “ამერიკის უნივერსიტეტის” მიერ ორგანიზებულ კონფერენციაზე მოვხვდი. სასტუმროდან როგორც კი გამოვედი და ისტიკლალის საფეხმავლო ქუჩას სეირნობით გავუყევი შორიდან ნაცნობი ჰანგები მომესმა. რაც უფრო ვუახლოვდებოდი ნაცნობი ჰანგები სულ უფრო ემსგავსებოდა მშობლიურს. ამოვიცანი, “დიდოუ ნანა” ისმოდა. მაშინ თბილისში პოპულარული იყო ერთი ჯგუფი, რომელიც “დიდოუ ნანას” პოპვერსიას მღეროდა, ვერაფრით დავიჯერე იმ ჯგუფის სტამბოლშიც პოპულარობის ამბავი და მუსიკალურ მაღაზიაში მომღერალი ვიკითხეთ. მაშინ პირველად გავიგე კაზიმ კოიუნჯის შესახებ, რომელსაც მთელი თურქეთი იცნობდა, ლაზური, მეგრული და ქართული ფოლკლორული რეპერტუარის გამო. შემდეგ კაზიმი საქართველომაც გაიცნო და დააფასა.

სტამბოლის ტრამვაი, 2007 წ.

ისტიკლალის (დამოუკიდებლობის) გრძელ ისტორიულ გამზირზე, ასევე ძველი და ისტორიული ტრამვაი დადის, რომელიც სტამბოლის ერთგვარ სიმბოლოდაც კი გადაიქცა. ტრამვაის ეს ხაზი ერთმანეთთან აკავშირებს ტაქსიმის მოედანს და ისტიკლალის ბოლოს მდებარე მიწისქვეშა ფუნიკულიორს – “თიუნელს”. სწორედ აქედან გავუყვეთ ამ ულამაზეს ქუჩას.

ისტიკლალის გაზირი

ეს ფოტო სტამბოლში 2013 წელს გადავიღე, სამწუხაროდ, იმ პერიოდში ტრამვაი არ მუშაობდა, შეიძლება გახშირებული საპროტესტო გამოსვლების გამო, რომელთა ეპიცენტრი ტაქსიმზე და ისტიკლალზე იყო. ფოტოები, სადაც ტრამვაის შეამჩნევთ  გაცილებით ადრე გადავიღე – 2007-2008 წლებში.

ისტიკლალი, სტამბოლი

ისტიკლალი ანგრევს ჩვენთან გავრცელებულ სტერეოტიპებს თურქეთსა და მის საზოგადოებაზე.

სტამბოლი   ტაქსიმი და ისტიკლალი - მე მოგზაური

გამზირის ორივე მხარეს, ვიწრო ქუჩებში და ჩიხებში, უამრავი აზიური, თუ ევროპული ღია კაფე და რესტორანია. აქ ევროპა და აზია, ქრისტიანობა და მუსულმანური რელიგია მშვიდობიანად თანაცხოვრობენ.

Istiklal - 2008

პიცა და ბურგერის გვერდით ეზოში კათოლიკური ტაძარია, წმინდა ანტუანის ეკლესია.

წმინდა ანტუანის ეკლესია სტამბოლში

ჯვრისწერის ცერემონიალი

ჯვრისწერა სტამბოლში

უფრო ზევით, ტაქსიმთან ახლოს კი არის ბერძნული, მართლმადიდებლური, წმინდა სამების სახელობის ტაძარი.

ტაქსიმი - 2008 წ.

ხალხით სავსე ისტიკლალი.

ისტიკლალის გამზირი, სტამბოლი

და სტამბოლის განუყოფელი ნაწილი – კატები

სტამბოლის კატები

მთელი გამზირი სავსეა სხვადასხვა სავაჭრო ობიექტით თუ კაფე-რესტორნით.

კონაკი

თურქული ტკბილეულის მაღაზია. შეგიძლია შეფუთული შეიძინო, ან ასაწონი და იქვე მოითხოვო შეფუთვა, შეგიძლია ივაჭრო და ისეთი ფასდაკლება მიიღო, რომ ვაჭრობის სურვილი კიდევ უფრო გაგიღვივდეს.

თურქული ტკბილეული

კიდევ ტკბილეული

IMG_8441

ისტიკლალზე თითქმის ყველა რესტორნის სამზარეულო ქუჩის პირზეა და მზარეული ყველას დასანახად ტრიალებს, კერძი კი გამჭვირვალე გარემოში მზადდება.

ისტიკლალის მზარეულები

ვიზუალი და სურნელი ერთად მუშაობს კლიენტის მისაზიდად.

თურქული შაურმა

ისტიკლალზე არის უფრო ბოჰემური კაფე-რესტორნებიც, მათი უმრავლესობა განლაგებულია მეორე სართულზე.

რესტორნის აივანი

კაფე-რესტორნებს ენაცვლება ჩვენთან უკვე ცნობილი ბრენდების მაღაზიები.

მანგო

აქვეა მრავალსართულიანი “კოლიზეუმი” და “ვაიკიკიც”, რომელიც თავისი სიიაფით დიდი ხნის მანძილზე იყო ჩემი სტამბოლში ჩასვლის მიზეზი.

სტამბოლის ტრამვაი

ისტიკლალზე ყოველთვის ერთმანეთში ირევა ხალხი და ტრამვაი.

სტამბოლის ძველი ტრამვაი

ქუჩაში ორცხობილით ვაჭრობა ტრამვაის მსგავსი ვაგონეტკებიდან მიმდინარეობს. წაბლით მოვაჭრის დახლიც კი სტილიზებულია.

წაბლით ვაჭრობა

ტრამვაი ამ ქუჩაზე არამარტო ისტორიულ-სიმბოლურ მისიას ატარებს, არამედ ის გადაადგილების კარგი საშუალებაა დაღლილი ტურისტებისთვის თუ გამზირის სწრაფად გავლის მსურველთათვის. ვაგონები გვერდს უქცევენ ისტიკლალის შუაში, გალათასარაის წინ.

ძველი ტრამვაი

სწორედ ეს ადგილია სტუდენტული გამოსვლებისა თუ ათასგვარი მიტინგ-დემონსტრაციის ერთ-ერთი მთავარი ბუდე. აქ ხომ ათიათასკაციანი მსვლელობა ორგანიზების გარეშეც ყოველდღიურად მიმდინარეობს.

ისტიკლალი ღამით

ხალხის და ტრამვაის თანაცხოვრება

Tram Istiklal

სანამ ტაქსიმს მივადგებით, მანამდე მარცხნივ ერთ ქუჩაზე, თევზის ბაზარში შევიაროთ.

თევზის ბაზარი

ცოცხალი თევზით ვაჭრობის გარდა აქვე შეგიძლიათ თქვენს თვალწინ მომზადებული ზღვის პროდუქტები დააგემოვნოთ.

IMG_8453

მზარეულები

კრივეტკები

თევზეული

თევზეული

ნამდვილი სამოთხეა თევზის და ზღვის პროდუქტების მოყვარულთათვის.

თევზის რსტორნები

ისევ ისტიკლალზე დავბრუნდეთ, შებინდებასთან ერთად ხალხის რაოდენობა კიდევ უფრო იმატებს.

ხალხი ისტიკლალზე

ხალხში ირევა ლეგალური თუ არალეგალური ვაჭრობა.

ყვავილების გამყიდველი

ქუჩის მუსიკოსები სევდიან თურქულ ჰანგებს აკვნესებენ, ძალიან უხდება ამ გარემოს

ქუჩის მუსიკოსები

ვუახლოვდებით ტაქსიმის მოედანს.

ისტიკლალი ღამით

აქ არის ტრამვაის ბოლო გაჩერება…

ყვავილების ბაზრობა

ყვავილების ბაზრობა და რესპუბლიკის მონუმენტი, რომელიც აგებულია 1928 წელს.

თურქეთის რესპუბლიკის მონუმენტი

მონუმენტზე გამოსახულია მუშები, ჯარისკაცები და გლხები, რომლებსაც სათავეში უდგას მუსტაფა ქემალ ათათურქი. ტაქსიმი დღისით (2008 წ.)

ტაქსიმი

ძეგლის მიმდებარე ტერიტორია არის პაემნებისა და შეხვედრების საუკეთესო ადგილი.

ხალხი ტაქსიმზე

აქ ჩამომსხდარ ხალხს გარემოვაჭრეები ცხელ ყავას და ჩაის სთავაზობენ.

Taksim

ტაქსიმიდან ორიენტირება ძალიან მარტივია, აეროპორტის მიმართულებით დადის პირდაპირი ავტობუსები, აქვეა მეტრო, უამრავი საქალაქო ავტობუსის გაჩერება და ისტორიული ტრამვაი.

ტაქსიმი

რუკა

  •  
  •  
  •  
  •  
  •  
  •  
  •  
0 კომენტარი
0

სხვა მასალები

კომენტარები